نەسىپ جۇنىسباي ۇلى, قازاقستاننىڭ ەڭبەك سىڭىرگەن قايراتكەرى: سالتاناتتى اشىلۋ جارقىن جەڭىستەرگە باستاسا يگى

دالىرەك ايتساق, سونىڭ جال­عاسى دەۋگە تۇراتىنداي. بۇگىندە ىلگەرى كەتكەن دۇنيەدەگى جارىق­تى پايدالانۋ ادىستەرىنىڭ شىڭى­نا جەتكەن قىتايلىقتار ستاديون-ساحنادا ەكى ساعاتتاي تەڭدەس­سىز سپەكتاكل جاسادى. مۇنداي كەشەندى جارىس شارتىنا ساي شەرۋگە شىققان سپورتشىلار اراسىندا قازاقستان توبى سانى جاعىنان شامامەن 2-5 ورىنداردا بولعان شىعار. بۇل ازىرگە سپورتشىلار قاراسىنا بايلا­نىستى ناتيجەمىز. ەندى الدا سونى ساپاعا اينالدىرىپ, سپورتتىق ناتيجە جاعىنان سول ورىنداردا بولۋ مىندەتى تۇر.

مۇنداي جا­رىستىڭ مىڭىن كورگەن تاجى­ري­بەلى جۋرناليست رەتىندە ەلىمىز جارىسقا جىبەرگەن 524 سپورتشىنى تىم كوپ دەپ ويلايمىن. ارينە, ولاردىڭ ءبارى جارىسقا جولداما جەڭىپ العانى بەلگىلى. ايتسە دە, جولداما جەڭىپ الۋ باسقا دا, ەل اتىنان ولاردى كەشەندى جارىس­قا اتتاندىرۋ بولەك. وركەنيەتتى ەلدەردە جولداما العان سپورتشىلاردى تۇگەلىمەن سىپىرا وليمپياداعا اتتاندىرا سالۋعا بولمايدى. ەلدە عىلىمي-زەرتتەۋ ساراپشىلار توبى قۇرىلىپ, سپورتشىلاردىڭ بۇل جارىستاعى مۇمكىندىگى ساراپقا سالىنىپ, قۇرىعاندا 1-20 ورىندارعا ىلى­نەدى-اۋ دەگەن سپورتشىلاردى عانا توپقا قوسقان ابزال. ارينە, جاس, تالانتتى جولداما جەڭىپ العان سپورتشىلاردى دا ويىندارعا تا­جىريبە جيناقتاۋ ماقساتىندا اپارۋ كەرەك. ونى دا ساراپشىلار توبى شەشكەنى ءجون.

سول 524 سپورتشىنىڭ ءبارى حانچجوۋعا قورجىن ارقالاپ ات­تاندى. ەرتەڭ سونىڭ تۇگەلگە جۋى­عى بوس قايتسا, كوبىسى 20-40 ورىن­دار الىپ جاتسا, ەلدىگىمىزگە سىن ەمەس پە؟ ول كۇندەرى ء«بىز ازيا ويىندارىنا 524 سپورتشى اتتاندىردىق», دەگەن ماق­تان دالادا قالادى. ونىڭ ۇس­تى­نە, ءار ادام مۇنداي ساپاردا ميل­ليونداعان تەڭگە قارجى جۇم­سايتىنى بەلگىلى. مەم­لە­كەت قارجىسىن بوسقا شاشپاۋ ماسەلەسىن دە ۇمىتپاعان ابزال. ءبىز ايتقان ويعا دالەل كوپ. وزىمىزبەن كورشى, حالقىنىڭ سانى بىزدەن ەداۋىر كوپ وزبەكستان ەلى بۇل ويىن­دارعا 350 عانا سپورتشى جىبەرىپتى. ەسەسىنە ولار ازيا ويىن­دارىن كەڭ ناسيحاتتاۋعا 35 جۋرناليست اتتاندىرعان. بۇل جاعىنان دا ءبىز ۇتىلىپ تۇر­مىز. حانچجوۋعا كەلگەن وتان­دىق قالام, ميكروفون شەبەرلەرى جيىرماعا جەتپەيدى. بۇل باسەكە ەمەس, بىراق بولاشاق تالانت­تى جاستاردى سپورتقا تارتۋ ءۇشىن بالالار سپورت مەكتەپتەرى قان­داي قاجەت بولسا, سپورتتى ناسي­حاتتاۋ تۋرا سونداي بولسا كەرەك. بۇل ويلار ەرتەڭ ءبارى اياقتالعاندا بىل­گىشسىنىپ, نەگە بۇلاي, نەگە ولاي دەمەۋ ءۇشىن ەرتە ايتىلىپ جا­تىر. نيەتىمىز دە اق. ەل نامىسى مەن ۇلت بولاشاعى ويلاندىرعان سوڭ كەلگەن ۇسىنىستار عوي. ەستيتىن قۇلاق تابىلاتىنىنا دەگەن ۇمىت­پەن ايتىپ جاتىرمىز.

حانچجوۋداعى XIX جازعى ازيا ويىندارى تاماشا اشىلدى. ەندى وسىنداي تاماشا ناتيجە­لەر ەل سپورتشىلارى قاتىس­قان جا­رىستاردا دا جاڭبىرشا جا­ۋىپ جاتسا عوي. سول كەزدە ءبىز­دىڭ داۋىس تا جارقىن-جارقىن شى­عادى.