وزەكتى ماسەلەلەر بويىنشا پىكىر الماستى

وتىرىستا اتاپ وتىلگەندەي, تمد ينتەگراتسيالىق بايلانىستاردى تەرەڭدەتۋ جانە ەلدەرىمىز اراسىنداعى كوپجوسپارلى ىنتىماقتاستىقتى قولداۋ ءۇشىن ءتيىمدى پلاتفورما رەتىندە ارەكەت ەتۋدى جالعاس­تىرىپ كەلەدى.

نەگىزگى باعىتتاردىڭ ءبىرى – ەلدەردىڭ ساۋدا-ەكونوميكالىق بايلانىستارىن كەدەرگىسىز نىعايتۋ.

دوستاستىق ەلدەرىنىڭ كولەمدى ءارى دامىپ كەلە جاتقان نارىعى, مينەرالدى-شيكىزات رەسۋرستارىنىڭ ۇلكەن قورلارى, قاتىسۋشى مەملەكەتتەردىڭ ەكونوميكالىق ءوزارا تو­لىق­تىرىلۋى, ەلەۋلى عىلىمي-تەحني­كالىق الەۋەتى جانە كولىك جولدارى­نىڭ بولۋى وڭىردەگى كوپجوسپارلى ينتەگراتسيا ءۇشىن قولايلى جاعدايلاردى قامتاماسىز ەتەدى.

تمد شەڭبەرىندەگى ترانزيتتىك الەۋەت – ەلدەردىڭ ەكونوميكاسىنا وڭ اسەر ەتەتىن جانە ونى ينۆەستيتسيالار ءۇشىن تارتىمدى ەتەتىن نەگىزگى ستراتەگيالىق رەسۋرستاردىڭ ءبىرى.

دوستاستىق ەلدەرىنىڭ اۋماعىنداعى ءوزارا ءتيىمدى ءىس-قيمىلعا كوبىنەسە تمد-نىڭ ەركىن ساۋدا كەلىسىمىن جانە قىزمەتتەردىڭ ەركىن ساۋداسى تۋرالى كەلىسىمدى ىسكە اسىرۋ ىقپال ەتەدى.

2023 جىلدىڭ ءبىرىنشى جارتىجىل­دىعىنىڭ قورىتىندىسى بويىنشا تمد ەلدەرىنىڭ تاۋار اينالىمى 20,6 ملرد دوللاردى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا (19,8 ملرد دوللار) 4,4%-عا جوعارى. 2023 جىلعى قاڭتار-شىل­دەدە قازاقستاننان تمد ەلدەرىنە ەك­سپورت 19,4%-عا ءوسىپ, 9,2 ملرد دوللارعا جەتتى.

وتىرىستىڭ قاتىسۋشىلارى ەكونومي­كالىق ءوزارا ءىس-قيمىلدىڭ وزەكتى ماسە­لە­لەرى بويىنشا پىكىر الماستى, وتكەن بەس جىلداعى تمد-نىڭ سالالىق ىنتى­ماق­تاستىق ورگاندارى قىزمەتىنىڭ ەكونومي­كا سالاسىنداعى ناتيجەلەرىن قارا­دى, 2019-2022 جىلدارداعى ۆەتەريناريا سالاسىنداعى ىنتىماقتاستىق جونىن­دەگى ۇكىمەتارالىق كەڭەس قىزمەتىنىڭ ناتيجەلەرىن جانە باسقا دا ماسەلەلەردى تالقىلادى.