پرەمەر-ءمينيستردىڭ ءبىرىنشى ورىنباسارى رومان سكليار شىعىس قازاقستان وبلىسىنا جۇمىس ساپارى اياسىندا ءوڭىر اكىمى ەرمەك كوشەرباەۆپەن بىرگە وسكەمەن جانە ريددەر جەو-لارىندا بولىپ, جاڭا جىلىتۋ ماۋسىمىنا دايىندىق بارىسىمەن تانىستى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«وڭىردەگى جىلۋ نىساندارىندا جوندەۋ جۇمىستارى اياقتالىپ, جەو ىسكە قوسۋ-باپتاۋ كەزەڭىنە دايىندىق ۇستىندە. شىعىس قازاقستاندا ريددەر جەو-نى قايتا قۇرۋ بويىنشا اۋقىمدى جۇمىستار جۇرگىزىلىپ جاتىر. پرەمەر-ءمينيستردىڭ ءبىرىنشى ورىنباسارىنا ريددەر جەو-دا ىسكە قوسۋ-رەتتەۋ جۇمىستارى بەلگىلەنگەن كەستەگە ساي جۇرگىزىلىپ جاتقانى تۋرالى ايتىلدى. № 1, 2, 3 قازاندىق اگرەگاتتارىن جوندەۋ اياقتالۋعا جاقىن, ەكرانداردىڭ بەتتەرى جينالىپ, ورناتىلدى, ءبىر كۇن بۇرىن قازاندىقتار تازالاۋ جۇمىستارىن جۇرگىزۋ ءۇشىن سۋمەن تولتىرىلدى. سونىمەن قاتار دەلەگاتسيا جۇمىس ساپارى بارىسىندا وسكەمەن جەو-عا دا بارىپ قايتتى», دەلىنگەن اقپاراتتا.
شىعىستاعى جىلۋ ەلەكتر ورتالىقتارىنا جوندەۋ جۇمىستارى بيىلعى جىلىتۋ ماۋسىمى اياقتالعان سوڭ قولعا الىنعان بولاتىن. جوندەۋ جۇمىستارىنىڭ 80 پايىزى اياقتالىپ, 5 قازاندىق اگرەگاتى مەن 8 تۋربواگرەگاتقا جوندەۋ جۇرگىزىلدى.