ازيانى ىلگەرىلەتەتىن باستاما

ايتا كەتەرلىگى, قازاقستان 2020 جىلدان بەرى اوسشك-ءنىڭ تورا­عا­سى مىندەتىن اتقارىپ كەلەدى. جيىن بارىسىندا اوسشك باس حات­شىسى, ەلشى قايرات سارىباي اوسشك-ءنىڭ قىزمەتى تۋرالى بايان­داما جاسايدى. جوسپار بويىنشا, مينيسترلەر كەڭەسى ۇيىمدى نى­عايتۋعا جانە ازيانىڭ جاڭا جا­ھان­دىق رولىنە بەيىمدەۋگە باعىت­تال­عان رەفورمالاردىڭ سەگىز ناقتى باعى­تىن كورسەتەتىن اوسشك ترانس­فور­ماتسياسىنىڭ جول كارتاسىن بە­كىتەدى. بىرتىندەپ ترانسفورماتسيا­لاۋ ۇدەرىسى 2022 جىلى قازاندا استانادا, قازاقستاننىڭ 1992 جىلى بۇۇ قابىرعاسىندا ۇيىمدى قۇرۋ باستاماسىنا 30 جىل تولۋ مەرەيتويى قۇرمەتىنە ورايلاستىرا ۇيىم­داس­تىرىلعان اوسشك التىنشى سامميتىندە باستالعان-دى.

جول كارتاسى ۇيىم جارعىسىن ازىرلەۋ, ىنتىماقتاستىقتىڭ جاڭا باعىتتارىن ىزدەۋ سەكىلدى اشىق جانە تولىق ەمەس تىزبەسى بار ترانسفورماتسيا ۇدەرىسىنىڭ قۇرىلىمدىق كۇن ءتارتىبى مەن جەتەكشى قۇجاتى رەتىندە قىزمەت ەتەدى. سونداي-اق اوسشك, بيۋدجەت جانە كادر رەفورماسى جانە باسقا دا تاقىرىپتار قامتىلادى.

سونداي-اق مينيسترلەر اوسشك-ءنىڭ ازاماتتاردى, اسىرەسە جاستار ارا­سىندا ۆولونتەرلىك قىزمەتكە بەل­سەندى قاتىسۋىن قولداۋ جانە ىن­تا­لاندىرۋ بويىن­شا مۇلدەم جاڭا باعىتقا كۇشتى ساياسي سەرپىن بەرەتىن ۆولون­تەرلىك قىزمەتتى ىل­گەرىلەتۋ تۋرالى مالىمدەمەنى قا­بىل­دايدى.

مينيسترلەر كەڭەسىنىڭ مۇشەلەرى اوسشك-ءنىڭ ودان ءارى ينستيتۋتسيونالدى دامۋىنىڭ پەرسپەكتيۆالارى تۋرالى پىكىر الماسادى. ۇيىمدى ترانس­فورماتسيالاۋ بويىنشا العاش­قى پراكتيكالىق قادامدارعا ەگجەي-تەگجەي توقتالادى. سونداي-اق اعىم­­داعى كۇن تارتىبىندەگى باسقا دا ما­­ڭىز­دى ماسەلەلەر تالقىلانباق.

مينيسترلەر كەڭەسى سامميتتەن كەيىنگى اوسشك-ءنىڭ ەكىنشى جوعارى باسقارۋ ورگانى سانالادى. كەڭەس سامميت شەشىمدەرىن ىسكە اسىرۋعا, اوسشك-ءنىڭ اعىمداعى قىزمەتىن جانە اوسشك اعا شەنەۋنىكتەردىڭ كوميتەتى وعان ەنگىزگەن بارلىق ماسە­لە­لەردى قاراۋعا جاۋاپتى. ءتۇرلى دەڭگەيدەگى كونسۋلتاتسيالار جانە اوسشك كۇن تارتىبىندەگى نەگىزگى ماسە­لەلەر بويىنشا شەشىمدەر قا­بىل­دايدى.