مەملەكەت باسشىسى قاتاردىڭ Power International Holding كومپانياسىنىڭ يەلەرى رامەز ءال-حايات پەن مۋاتاز ءال-حاياتتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا پرەزيدەنت ەلىمىزدىڭ تاياۋ شىعىستاعى ستراتەگيالىق سەرىكتەسى سانالاتىن Power International Holding كومپانياسى قازاقستان مەن قاتار اراسىنداعى ەكونوميكالىق بايلانىستاردى جولعا قويۋ ىسىنە تىڭ سەرپىن بەرەتىنىن اتاپ ءوتتى.
سونىمەن قاتار كەزدەسۋدە ەنەرگەتيكا جانە گەولوگيالىق بارلاۋ سالالارىنداعى ىنتىماقتاستىق ماسەلەلەرى قاراستىرىلدى. بۇدان بولەك, اۋىل شارۋاشىلىعى, دەۆەلوپمەنت-جوبالاردى ىسكە اسىرۋ, دەنساۋلىق ساقتاۋ باعىتتارىنداعى قارىم-قاتىناستاردىڭ پەرسپەكتيۆالارى تالقىلاندى.
قاسىم-جومارت توقاەۆ ەكونوميكانى دامىتۋ بويىنشا قازاقستاندا كەشەندى شارالار قابىلدانىپ جاتقانىن جانە شەتەلدەن تىكەلەي ينۆەستيتسيا تارتۋ ءۇشىن بارلىق جاعداي جاسالعانىن ايتتى.