شىعىس قازاقستان وبلىسى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇرلىقتى كاسىپ ەتكەن قىلمىستىق توپتىڭ جولىن كەستى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 2 جىلدان استام ۋاقىت وبلىس كاسىپورىندارىنىڭ ءبىرىنىڭ تاۋارلىق-ماتەريالدىق قۇندىلىقتارىن ۇرلاۋمەن اينالىسقان قىلمىستىق توپتىڭ ءىس-اركەتىنە توسقاۋىل قويدى. شىعىن 500 ميلليون تەڭگەدەن اسادى. سوتقا دەيىنگى تەرگەپ-تەكسەرۋ بارىسىندا پوليتسيا قىزمەتكەرلەرى 20-دان استام ءتىنتۋ ءىس-شارالارىن جۇرگىزدى, ونىڭ بارىسىندا زاتتاي دالەلدەمەلەر تاركىلەندى. قاجەتتى سوت ساراپتامالارى تاعايىندالدى. نەگىزگى كۇدىكتىلەر, قىلمىستىق توپتىڭ ۇيىمداستىرۋشىسى مەن بەلسەندى قاتىسۋشىلارى سوتتىڭ سانكتسياسىمەن قاماۋعا الىندى», دەپ جازىلعان اقپاراتتا.