بۇگىن مەملەكەت باسشىسى قاسىم-جومارت توقاەۆ وتاندىق بيزنەس وكىلدەرىمەن كەزدەسۋ وتكىزدى, دەپ حابارلايدى Egemen.kz اقورداعا سىلتەمە جاساپ.
«كاسىپكەرلەر «شاعىمدانۋشى» نەمەسە «قولداۋعا مۇقتاج» رولىندە كورىنبەي, مەملەكەتتىك اپپاراتتىڭ تەڭقۇقىلى سەرىكتەسىنە اينالۋعا ءتيىس. جەكە كاپيتالدى قورعاۋ دەڭگەيىنىڭ وسالدىعى, مەملەكەتتىڭ ەكونوميكاعا شامادان تىس ارالاسۋى, باعانىڭ نارىققا قايشى جولمەن بەلگىلەنۋى جانە شامادان تىس رەتتەۋ تەتىكتەرى – بيزنەستى تولعاندىراتىن ماسەلەلەر مۇنىمەن بىتپەيدى. كاسىپكەرلەردىڭ سوتتارعا, قۇقىق قورعاۋ جانە سالىق ورگاندارىنا, جەرگىلىكتى بيلىككە قاتىستى شاعىمدارى ازايماي تۇر. بۇل رەتتە بيزنەس تاراپىنان دا سالىقتان جالتارۋ, كاپيتالدى جىلىستاتۋ, مەملەكەتتىك قولداۋعا يە بولعان كەزدە الاياقتىق جاساۋ فاكتىلەرى ءجيى ۇشىراسادى. ەڭبەك ۇجىمدارىنىڭ قۇقىعىن تاپتاۋ جاعدايلارى دا كەڭ تارالعان. وسىنىڭ سالدارىنان ەكى تاراپ ءاردايىم ءبىر-بىرىنە سەزىكتەنە قاراپ, كىنا ارتۋعا دايىن تۇرادى», دەگەن مەملەكەت باسشىسى داستۇرگە اينالعان كەزدەسۋدە ەل ەكونوميكاسىن نىعايتۋعا كۇش سالۋشى كاسىپكەرلەردىڭ قۇقىعى قورعالۋى ءتيىس ەكەنىن ايتتى.