جاس ۇستازدار فورۋمى

بيىلعى فورۋمنىڭ باس­تى ەرەكشەلىگى – اۋىلدا تابىس­تى ەڭبەك ەتىپ جۇرگەن جاس پەداگوگ­تەر­دىڭ باس قوسۋى. ولاردىڭ ءبارى اۋىلداعى ءبىلىم بەرۋدىڭ الەۋە­تىن دامىتۋ اياسىنداعى جوبا­عا قاتى­سىپ جاتقان تىرەك مەك­تەپتەر­دە جۇ­مىس ىستەيدى. ءبىلىم بەرۋ جو­نىن­­دەگى جاھاندىق كوميسسيانىڭ ازيا حابى بويىنشا كوميسسارى كۇلاش ءشامشيدينوۆانىڭ اي­تۋىنشا, اۋىل مەكتەبىندە جۇمىس ىستەۋ – ابىرويلى مىندەت. ال «جاس ۇستاز» باعدارلاماسى كاسىبي دامۋدىڭ جاڭا كەزەڭىنە جولداما بەرىپ وتىر.

وقۋ-اعارتۋ ءمينيسترى عاني بەيسەمباەۆ فورۋمعا كەلگەن جاس ۇستازدارمەن بەيرەسمي كەزدەسۋ وتكىزىپ, ەركىن پىكىر الماستى. ول مۇعالىم مارتەبەلى ماماندىق ەكەنىن اتاپ ءوتتى. سونداي-اق مي­نيسترلىكتىڭ اۋىلداعى جاس مۇ­عالىمدەرگە ارنالعان «بولاشاق» تاعىلىمداما باعدارلاماسى تۋرالى ايتىپ بەردى. بۇعان قوسا شالعاي ەلدى مەكەندەردەگى مۇعا­لىم­دەرگە حالىقارالىق پلاتفورمالاردا جۇمىس ىستەۋگە جاعداي جاسالاتىنىن جەتكىزدى. بيىلدان باستاپ اۋىل مەكتەپتەرى مەن شا­عىن جيناقتى ءبىلىم بەرۋ ۇيىم­دارىن قولداۋ بويىنشا قانات­قاقتى جوبا ىسكە قوسىلماق.

سونىمەن قاتار «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما توراعاسى ءانۋار جانعوزين دە جاس ارىپتەستەرىنە قاراتا سالماقتى وي قوزعاپ, مۇعالىمدەردىڭ ىنتا-جى­گەرى جوعارى بولسا, سوعۇرلىم وڭ ناتيجەگە قول جەتكىزە الاتىنىن ايتتى. ءسوزىنىڭ سوڭىن «ىنتا بولسا ادامدا, قيىن ءىس جوق عالامدا» دەگەن ماقالمەن تۇيىندەدى.

فورۋمنىڭ ەكىنشى كۇنى دە ماز­مۇندى تانىمدىق ءىس-شارا­لار­مەن باستالدى. «Aitas KZ» حول­دينگىنىڭ باس ديرەكتورى, ءبىلىم بەرۋ­دى تۇراقتى دامىتۋ قو­رى­نىڭ نەگىزىن قالاۋشى سە­رىك تو­لىقپاەۆ پەن «Qazaqstan Team» رەس­پۋبليكالىق قوعامدىق بىرلەس­تىگىنىڭ جەتەكشىسى ولجاس سۇ­لەي­مەنوۆ تابىسقا جەتۋدەگى ءوز تا­جىري­بەلەرىمەن ءبولىستى. سونداي-اق فورۋم دەلەگاتتارى سۋدا جۇزۋ­دەن حالىقارالىق دارەجەدەگى سپورت شەبەرى, جاسوسپىرىمدەر اراسىن­داعى العاشقى ازيا پاراليمپيادا ويىندارىنىڭ جۇل­دە­گەرى ازامات ورازبەكپەن, عا­لىم-زەرتتەۋشى, «Mbionics» كوم­پا­نياسىنىڭ نەگىزىن قالاۋشى ماۋ­لەن بەكتۇرعانوۆپەن, بوكس­تان حالىقارالىق دارەجەدەگى سپورت شەبەرى, حالىقارالىق جا­رىستاردىڭ جەڭىمپازى مۇحيت امانتاەۆپەن جۇزدەسىپ, پىكىرلەستى.

جيىندا جاس ۇستازداردىڭ كاسىبي شەبەرلىگىن شىڭداۋ با­عىتىندا ءتيىمدى جوسپارلاۋ, فۋنك­­تسيونالدىق ساۋاتتىلىقتى قا­لىپتاستىرۋ, ەموتسيونالدى ينتەل­لەكتىنى دامىتۋ, مۇعالىم جۇمى­سىنداعى زەرتتەۋلەر, وقىتۋ­دا­­عى سارالاۋ جانە باعالاۋ تا­قى­­رىپتارىنا قۇرىلعان الاڭ­دار جۇمىس ىستەدى. ماسەلەن, «مۇعالىم جۇمىسىنداعى زەرت­تەۋ­لەر» تاقىرىبى كيىز ۇي­مەن ۇشتاستىرىلدى. قاتىسۋ­شى­لار سونىڭ ۇلگىسىندە زەرتتەۋ ساباعىنىڭ جوسپارىن قۇراس­تىر­دى.­ شۇعىلا قاليحانوۆا مەن كۇنسايا وتەشەۆانىڭ شەبەرلىك ساباعىندا جاس مۇعالىمدەر زەرتتەۋ جۇمىسىن دايىنداۋ ۇدەرىسىمەن تانىستى. «فۋنكتسيونالدىق ساۋات­تىلىقتى ارتتىرۋ» تاقى­رىبى الاڭىنىڭ باپكەرلەرى قا­لامقاس ابدىكارىموۆا مەن تال­عات مۋكۋتوۆتىڭ پىكىرىنشە, پەدا­گوگتىڭ باستى ماقساتى – ءبىلىم­دى تاجىريبەدە ەمەس, ومىردە قول­دا­نۋى. بۇگىندە فۋنكتسيونالدىق ساۋات­تىلىق انىقتاماسىنا داع­دى مەن تاجىريبە, تالداۋ جانە ءتۇ­سىنۋ, ستاندارتتى ەمەس ومىرلىك جاعدايلار مەن سىني تۇرعىدان وي­لاۋ ۇعىمدارى كىرەدى.

مازمۇندى ءىس-شارا «ساتتىلىك­كە يە بول!» بىرەگەي لوتەرەياسىمەن قورىتىندىلاندى. بىرەگەيلىگى سول, بارلىق جەڭىمپازعا پەداگوگي­كالىق شەبەرلىك ورتالىعىنان ۆەبينارلارعا سەرتيفيكاتتار مەن ەلىمىزدەگى مۇعالىمدەر ارماندايتىن «Lesson box» قوراپشاسى تابىس ەتىلدى.

بۇگىنگى تاڭدا پەداگوگيكالىق شەبەرلىك ورتالىعى ەڭبەك جولىن­ ەندى باستاعان مۇعالىمدەردىڭ كاسى­بي دامۋى بويىنشا اۋقىمدى جو­بانى جالعاستىرىپ وتىر. ورتالىقتىڭ online.cpm.kz پلات­­فور­ماسىندا «جاس ۇستاز مەك­تەبى» اتتى اشىق ونلاين-كۋر­س ازىرلەنىپ, ءار وڭىردە «جا­سامپاز جاس ۇستاز» كلۋبتارى قۇ­رىل­دى. «شامشىراق» الاڭى ارقىلى ۇزدىك جاس پەداگوگتەردىڭ تاجىريبەسى تاراتىلادى. «بۇل فورۋم جاس ارىپتەستەرىمىزدىڭ ءار مەك­تەپتىڭ ستراتەگيالىق رەسۋرسى ەكە­نىن دالەلدەدى. ولار قازىر­گى تاڭداعى ءبىلىم بەرۋگە جاڭا يدەيا­لار مەن جاڭا شەشىمدەردى ەنگى­زەدى, بالاعا قولايلى اتموسفەرا مەن تسيفرلىق ءبىلىم بەرۋ ورتاسىن­ قالىپتاستىرادى. سونىمەن قا­تار فورۋم تابىسقا جەتۋ جولىن­دا ەڭ كرەاتيۆتى جانە تابىس­تى مۇ­عالىمدەردى بىرىكتىرەدى», دەدى پە­داگوگيكالىق شەبەرلىك ورتا­لىعىنىڭ ديرەكتورى جانبوتا قابدىكارىموۆا.

ايتا كەتەيىك, بۇل فورۋم بىلتىر ەلوردادا العاش ءوتىپ, ونىڭ جالعاسى بارلىق وڭىردەگى ايماق­تىق جيىندارعا ۇلاسقان ەدى.