«بارىس» ءۇشىن قۇرلىقتىق حوككەي ليگاسىنىڭ (قحل) جاڭا ماۋسىمى ءساتسىز باستالدى. ەلوردالىق كلۋب «سالاۆات يۋلاەۆقا» (ۋفا) جول بەردى.
كەزدەسۋ استانادا ءوتىپ, قوناقتاردىڭ پايداسىنا 3:2 ەسەبىمەن اياقتالدى. ۋفالىقتار ساپىندا الەكساندر حمەلەۆسكي (13-مينۋت), ۆلاديسلاۆ ەفرەموۆ (25-ءشى) جانە الەكساندر ا.شاروۆ (46-شى) كوزگە ءتۇستى. ال بارىستىقتاردان تەمىرلان گايتاميروۆ (51-ءشى) جانە پونتۋس وبەرگ (56-شى) قاقپانى ءدال كوزدەدى.
ويىن سوڭىندا بارىستىقتار بىرنەشە شابۋىلداعانىمەن «سالاۆات يۋلاەۆ» كەرەمەت قورعانا ءبىلدى.
كەلەسى ويىندى ەلوردالىق ۇجىم 4 قىركۇيەكتە «بارىس-ارەنا» مۇزايدىنىندا ء«سىبىردى» قابىلدايدى.