قازاقستاننىڭ ۇزدىك تەننيسشىسى ەلەنا رىباكينا نيۋ-يوركتە ءوتىپ جاتقان US Open جارىسىنىڭ ءۇشىنشى اينالىمىنا شىقتى.
WTA رەيتينگىندە ءتورتىنشى ورىندا تۇرعان ە.رىباكينا ءتۋرنيردىڭ ەكىنشى اينالىمىندا الەمنىڭ 127-راكەتكاسى اۋستراليالىق ايلا تومليانوۆيچپەن كەزدەسۋى كەرەك بولاتىن. الايدا قارسىلاسى «ۇلكەن دۋلىعا» ءتۋرنيرىن جالعاستىرۋدان باس تارتتى.
ەندى ە.رىباكينا كەلەسى كەزەڭدە رۋمىن سورانا-ميحاەلا كىرستيامەن كورتقا شىعادى. ەگەردە جەرلەسىمىز قارسىلاسىن جەڭسە, وندا WTA رەيتينگىندە ءۇشىنشى ورىنعا كوتەرىلەدى.