شەتەلدىك باق-تىڭ باعاسى

سەگىزىنشى رەت وتكىزىلىپ وتىر­عان بايقاۋدا ازەربايجان, ۆەت­نام, يسپانيا, يتاليا, كانا­دا, مالايزيا, وزبەكستان جانە ەفيو­­پيادان كەلگەن باسىلىمدار مەن رەپور­تاجداردىڭ اۆتورلارى ءار اتالىم بويىنشا ۇزدىك دەپ تانىل­دى. جاريالانىمدار قازاق­ستان­نىڭ جاھاندىق ىلگەرى­لەۋى مەن ينۆەستيتسيالىق الەۋەتىن, ما­دە­نيەتىن, سونداي-اق حالىق­ارا­لىق بەيبىتشىلىك پەن قاۋىپ­سىز­دىكتى قام­تاماسىز ەتۋدەگى اوسشك ءرولى سەكىل­دى تاقىرىپ­تار­دى قامتىدى.

جەڭىمپازداردى قۇتتىقتاعان سىرتقى ىستەر ءمينيسترىنىڭ ورىن­­باسارى رومان ۆاسيلەنكو باي­قاۋ­عا ۇسىنىلعان بۇكىل جۇمىس­تىڭ جو­عا­رى دەڭگەيدە ەكەنىن ايتتى. سونداي-اق الەمنىڭ تۇكپىر-تۇكپىرىنەن كەلەتىن باق وكىلدەر وتىنىمدەرى ۇنەمى ءوسىپ كەلە جات­قا­نىنا نازار اۋداردى. بيىل قازىلار القاسىنىڭ قاراۋىنا الەمنىڭ 40 ەلىنەن 70-تەن استام ماتەريال كەلىپ ءتۇستى.

سونداي-اق ر.ۆاسيلەنكو ەلىمىز­دىڭ يادرولىق قارۋدى تاراتپاۋ سالا­سىن­داعى باستامالارىنىڭ وزەك­تىلىگىن ەرەكشە ايتا كەلە, ءىس-شارا قوناقتارىنا وتاندىق سۋرەتشى جانە انتيادرولىق قوزعالىس بەل­سەن­دىسى كارىپبەك كۇيىكوۆتى تانىستىردى. وسى ءىس-شارا اياسىندا مينيستر­لىكتىڭ فويەسىندە سۋرەت­شىنىڭ كورمەسى كوپشىلىككە ۇسى­نىلدى.

ديپلومات قازاقستان رەسپۋبلي­كاسىنىڭ ەۋروپا مەن ازيا ارا­سىن­­داعى ساۋدا-ەكونوميكالىق جانە كولىك-لوگيستيكالىق بايلانىس­تار­دى نىعايتۋداعى رولىنە, ەلدىڭ جا­ھاندىق ىنتى­ماق­تاس­تىق پەن ەكونوميكالىق ءوزارا ءىس-قيمىلدى جولعا قويۋ جونىندەگى كۇش-جىگەرىنە ەگجەي-تەگجەي توق­تالدى. وسى تۇر­عى­دا قازاقستان «ورتا دەرجاۆالار» اراسىنداعى ديالوگكە جار­­دەمدەسەتىن, پولياريزاتسيا مەن بۇرىن-سوڭدى بولماعان گەوساياسي سىن-قاتەرلەر داۋىرىندە «بەيبىت­شىلىك, پروگرەسس جانە ىنتى­ماق­تاستىق ءۇشىن داۋىستاردى كۇشەي­تۋ­دىڭ» جولسەرىگى بولا وتىرىپ, استانا حالىقارالىق فورۋمىن وتكى­زۋگە باستاماشى بولعانىن جەتكىزدى.

سالتاناتتى ءىس-شاراعا باس رەداكتورلار كلۋبىنىڭ پرەزيدەنتى بيبىگۇل جەكسەنباي, اوسشك اسكەري-ساياسي ولشەم ساراپشىسى, ەلشى دۋلات قۋانىشەۆ, مادەنيەت جانە سپورت ۆيتسە-ءمينيسترى ەرجان ەركىنباەۆ, «Kazakh Tourism» ۇلت­تىق كومپانياسى» اق باسقارما توراعاسىنىڭ ورىنباسارى قايرات سادۋاقاسوۆ, سونداي-اق ازەرباي­جان, ۆەتنام, يسپانيا, يتاليا, كانادا, مالايزيا جانە وزبەكستان ەلشى­لەرى مەن ديپلوماتتارى قا­تىس­تى.

بايقاۋدىڭ بارلىق قاتىسۋ­شى­لا­رىنا العىسىن بىلدىرە وتىرىپ, ب.جەكسەنباي شەتەلدىك باق-تا جاريالانعان قازاقستان تۋرالى ماتەريالدار مەملەكەتتىڭ شەتەلدەگى ءيميدجىن ىلگەرىلەتۋگە جەمىستى اسەر ەتە­تىنىن جەتكىزدى. د.قۋانىشەۆ ءوز كەزەگىندە اوسشك اتالىمى بويىنشا ەكى جەڭىمپازدىڭ جۇ­مى­سىن ەرەكشە اتاپ ءوتتى. سونى­مەن قاتار وسى فورۋمداعى قازاق­ستان توراعالىعىنىڭ باسىم­دىق­تارىن اڭگىمەلەپ بەردى.

كانادالىق جۋرناليست دونوۆان ماككەنزي ءوز ەلى مەن قازاقستان اراسىنداعى ۇقساستىقتاردى اتاپ ءوتتى. ەتنوسارالىق جانە دىنارالىق كەلىسىم, ءىرى دەرجاۆالارمەن كورشى­لەس­تىك, بەلسەندى جانە باستاماشىل سىرتقى ساياسات سەكىلدى ورتاق قا­سيە­تىمىز بار ەكەنىن جەتكىزدى.  «The Voice of Vietnam» ۆەتنام ۇلتتىق راديوسىنىڭ ءتىلشىسى سۋان نگۋەن بارلىق قاتىسۋشىنىڭ اتىنان قازاقستانعا كەلۋ مۇمكىندىگى ءۇشىن ريزاشىلىعىن ايتتى. ەكى ەل حالىقتارى اراسىنداعى دوستىقتىڭ نىعاياتىنىنا, قا­زاقستانعا تۋريس­تەر­دىڭ ارتاتىنىنا ءۇمىت ءبىلدىردى.