ءبىلىم كۇنى قارساڭىندا قىزىلوردا قالاسىنداعى ەكى ىرگەلى مەكتەپتىڭ جانىنان سالىنعان قوسىمشا عيماراتتار پايدالانۋعا بەرىلدى, سالتاناتتى اشىلۋ راسىمدەرىنە وبلىس اكىمى نۇرلىبەك نالىباەۆ قاتىستى, دەپ حابارلايدى Egemen.kz اتالعان وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
«ۇلت ۇستازى احمەت بايتۇرسىن ۇلىنىڭ «قۇرالسىز iس iستەلمەيدi ھəم قۇرال قانداي بولسا, iستەگەن iس تە سونداي بولماقشى. Iستiڭ تولىق جاقسى بولۋىنا مەكتەپ سايلى ھəم جاقسى بولۋى شارت» دەگەن ءسوزى بالانى وقىتۋعا, ەڭ ءبىرىنشى جايلى دا زاماناۋي مەكتەپتىڭ كەرەگىن ەسكە سالادى. بۇگىن ءبىز وسىنداي جايلى دا جاڭا عيماراتتىڭ اشىلۋىنىڭ كۋاسى بولامىز. بالا سانىنىڭ جىل ساناپ ارتۋىنا بايلانىستى بىرنەشە ءبىلىم وشاعى قوسىمشا قۇرىلىستى قاجەت ەتتى. وزدەرىڭىز بىلەتىندەي, ورتالىقتا جاڭا مەكتەپ سالۋ ءۇشىن جەر تەلىمى تابىلمايدى. قالا سىرتىنا سالىنعان مەكتەپكە قاتىناۋ اتا-اناعا دا, بالاعا دا ايتارلىقتاي قيىندىق تۋعىزادى. قوسىمشا عيمارات سالۋدىڭ تاعى ءبىر ءتيىمدى تۇسى – بيۋدجەت قارجىسى ۇنەمدەلەدى, جاڭا مەكتەپكە قاراعاندا ارزانعا تۇسەدى. ەڭ ماڭىزدىسى بالالار وزدەرى ۇيرەنگەن, ۇيىنە جاقىن مەكتەبىنە قاتىنايدى. سوندىقتان بارىنە بىردەي وڭتايلى شەشىمگە, ياعني ءۇش اۋىسىممەن وقيتىن مەكتەپتەر اۋلاسىنا قوسىمشا عيمارات سالۋعا توقتالدىق», دەدى ايماق باسشىسى ن.نالىباەۆ.
№101 مەكتەپ-ليتسەي اۋلاسىندا سالىنعان 375 ورىندىق عيماراتتا باستاۋىش سىنىپتار وقيتىن بولادى. ال اباي اتىنداعى ءۇش تىلدە وقىتاتىن دارىندى بالالارعا ارنالعان مامانداندىرىلعان سىنىپتارى بار مەكتەپكە 550 ورىندىق قوسىمشا عيمارات سالىندى.
جاڭا عيماراتتاردا وقۋ كابينەتتەرى, شىعارماشىلىق بولمەلەر تالاپقا ساي جاساقتالعان. وقۋشىلارعا ىڭعايلى بولۋ ءۇشىن وقۋ قۇرالدارىن ساقتاۋعا, بالالاردىڭ شىعارماشىلىق دامۋى مەن دەمالۋىنا تولىق جاعداي قاراستىرىلعان. بەينەباقىلاۋ, دىبىستىق حابارلاۋ جانە باسقا دا كۇشەيتىلگەن قاۋىپسىزدىك جابدىقتارى ورناتىلعان.
وبلىس ورتالىعىنداعى 4 مەكتەپتىڭ (№2,3,101,264) 1 850 بالاعا ارنالعان قوسىمشا عيماراتتارى جاڭا وقۋ جىلىندا بالالاردى قابىلدايدى.