قازاقستاننىڭ ءبىرىنشى, الەمنىڭ 4-راكەتكاسى ەلەنا رىباكينا اقش اشىق چەمپيوناتىن (US Open) جەڭىسپەن باستادى.
العاشقى اينالىمدا جەرلەسىمىز دۇنيەجۇزىلىك رەيتينگتە 39-ورىندا تۇرعان ۋكراينالىق مارتا كوستيۋكتەن 6:2, 6:1 ەسەبىمەن باسىم ءتۇستى.
ءبىرىنشى پارتيادا رىباكينا 2:0 ەسەبىمەن العا شىقتى. بۇدان كەيىن كوستيۋك ەسەپتى قىسقارتتى, الايدا ءبىزدىڭ سپورتشى سەتتى تاعى ءبىر برەيكپەن تۇيىندەدى – 6:2. ەكىنشى سەتتە ەلەنا قارقىنىن ءتىپتى ۇدەتتى – 6:1.
ە.رىباكينا ءۇشىنشى اينالىمعا شىعۋ ءۇشىن الەمنىڭ 127-راكەتكاسى اۋستراليالىق ايلا تومليانوۆيچپەن باسەكەلەسەدى.
ال ەلىمىزدىڭ ءبىرىنشى راكەتكاسى الەكساندر بۋبليك, وكىنىشكە قاراي, اۋستريالىق دومينيك تيمنەن 6:3, 6:2, 6:4 ەسەبىمەن جەڭىلىپ قالدى. تيموفەي سكاتوۆ پەن يۋليا پۋتينتسەۆا اقش ۋاقىتىمەن كەشە كەشكىسىن وينادى.