سينوپتيكتەر بۇگىن وڭىرلەردە اۋا رايى قانداي بولاتىنىن جاريالادى, دەپ حابارلايدى Egemen.kz.
ەلىمىزدىڭ باسىم بولىگىندە اتموسفەرالىق فرونتالدى بولىمدەردىڭ وتۋىنە بايلانىستى اۋا رايىنىڭ تۇراقسىز سيپاتى ساقتالادى. جاڭبىر جاۋادى, نايزاعاي, داۋىل جانە جەلدىڭ كۇشەيۋى كۇتىلەدى. بۇرشاق جاۋى مۇمكىن. قازاقستاننىڭ باتىسىندا, سولتۇستىگىندە, سولتۇستىك-باتىسىندا, ورتالىعىندا, وڭتۇستىگىندە, وڭتۇستىك-شىعىسىندا قاتتى جاڭبىر جاۋادى. الماتى وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر, جىلبىسقى قار) كۇتىلەدى. ەلىمىزدىڭ سولتۇستىگىندە, سولتۇستىك-باتىسىندا تۇمان ءتۇسۋى مۇمكىن.
جامبىل, قىزىلوردا وبلىستارىندا, اقتوبە وبلىسىنىڭ باتىسىندا, وڭتۇستىگىندە, ورتالىعىندا, اتىراۋ وبلىسىنىڭ باتىسىندا, شىعىسىندا, قوستاناي وبلىسىنىڭ وڭتۇستىگىندە, ماڭعىستاۋ وبلىسىنىڭ سولتۇستىگىندە, شىعىسىندا, وڭتۇستىك-شىعىسىندا توتەنشە ءورت قاۋپى كۇتىلەدى.
جەتىسۋ وبلىسىندا, باتىس قازاقستان وبلىسىنىڭ سولتۇستىگىندە, ورتالىعىندا جوعارى ءورت قاۋپى بار.
اباي, شىعىس قازاقستان وبلىستارىندا, ۇلىتاۋ وبلىسىنىڭ وڭتۇستىگىندە, قاراعاندى وبلىسىنىڭ وڭتۇستىگىندە, ورتالىعىندا جوعارى ءورت قاۋپى ساقتالادى.