پرەمەر-ءمينيستردىڭ ءبىرىنشى ورىنباسارى ەلىمىزدىڭ ورتالىق وڭىرىنە جۇمىس ساپارىمەن باردى. رومان سكليار «جەزقازعان-قىزىلوردا» تاسجولىن كۇردەلى جوندەۋ جۇمىستارىنىڭ بارىسىمەن تانىستى, بىرقاتار ستراتەگيالىق نىسانداردى ارالادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
ءوز كەزەگىندە جەزقازعان جەو-دا «قازاقمىس ەنەردجي» اق باسشىلارى الداعى جىلۋ بەرۋ ماۋسىمىنا دايىندىق جانە ستانسانى جاڭعىرتۋ جوسپارلارى تۋرالى باياندادى.
ءبىرىنشى ۆيتسە-پرەمەر جەزقازعان قالاسىنداعى جىلۋ جەلىلەرىن كۇردەلى جوندەۋ جۇمىستارىنىڭ بارىسىن دا تەكسەردى. قازىرگى ۋاقىتتا جۇمىس جوسپارلى كەستەدەن وزىپ كەلەدى. جەلىلەردى كۇردەلى جوندەۋ جاقىن ارادا سالىنىپ جاتقان وبلىس ورتالىعىنىڭ جاڭا شاعىن اۋداندارىن جىلۋ ەنەرگياسىمەن قامتاماسىز ەتۋ ماسەلەسىن شەشۋگە مۇمكىندىك بەرەدى.
سونىمەن قاتار وبلىس ورتالىعىن سۋمەن قامتۋ جوباسى دا تالقىلاندى. دەلەگاتسيا جەزقازعان قالاسىنداعى «ۇيتاس-ايدوس» سۋ قۇبىرى جانە گيدروتسەحىنىڭ قۇرىلىس الاڭىندا بولدى. جوبالار رەسپۋبليكالىق بيۋدجەت ەسەبىنەن جۇزەگە اسىرىلىپ وتىر (تيىسىنشە 4,2 ملرد تەڭگە جانە 6 ملرد تەڭگە). قۇرىلىس جۇمىستارى كەستەگە سايكەس جۇرگىزىلىپ كەلەدى.
ر.سكليار جەزقازعان قالاسىنداعى كوپقاباتتى 11 جاڭا تۇرعىن ءۇيدىڭ (972 پاتەر) قۇرىلىس الاڭىندا دا بولدى. نىسانداردى اياقتاۋ كەلەسى جىلدىڭ سوڭىنا جوسپارلانعان.
ساپار قورىتىندىسىنا سايكەس پرەمەر-ءمينيستردىڭ ءبىرىنشى ورىنباسارى سالالىق مينيسترلىكتەر مەن ۇلىتاۋ وبلىسىنىڭ اكىمدىگىنە جوبالاردىڭ ساپالى ءارى ۋاقتىلى جۇزەگە اسىرىلۋىن قامتاماسىز ەتۋ جونىندە ناقتى تاپسىرمالار بەردى.