مەملەكەت باسشىسى قاسىم-جومارت توقاەۆتىڭ شاقىرۋىمەن 25-26 تامىز كۇندەرى تاجىكستان پرەزيدەنتى ەمومالي راحمون جۇمىس ساپارىمەن استاناعا كەلەدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ساپار اياسىندا جۇرگىزىلەتىن جوعارى دەڭگەيدەگى كەلىسسوزدەر بارىسىندا ساۋدا-ەكونوميكا, كولىك-لوگيستيكا جانە ينۆەستيتسيا سالالارىنداعى ىنتىماقتاستىق ماسەلەلەرى قاراستىرىلادى.سونىمەن قاتار ەكى ەل باسشىلارى تاجىكستاننىڭ قازاقستانداعى مادەنيەت كۇندەرىنىڭ سالتاناتتى اشىلۋ راسىمىنە قاتىسىپ, تاجىكستاننىڭ اۋىل شارۋاشىلىعى ونىمدەرى كورمەسىن تاماشالايدى.