ۇلت ۇستازى اتىنداعى مەكتەپ

بۇل جاڭا مەكتەپ – احمەت بايتۇرسىن ۇلى اتىنداعى ءبىلىم ورداسى تولىق جەكە ينۆەستور قار­جىسىنا سالىنعان. مەكتەپ قۇرىلتايشىسى باستاۋىش سىنىپ وقۋشىلارىن 100 پايىز تەگىن تاماقپەن, ۇلكەن سىنىپتىڭ ۇزدىك وقۋشىلارىن ستيپەنديامەن قامتاماسىز ەتەتىنىن ايتىپ وتىر. سونداي-اق مەكتەپ عيماراتى سوڭعى ۇلگىدەگى ماتەريالدى-تەح­نيكالىق بازامەن قامتاماسىز ەتىلگەن, وقۋشىلار ءۇشىن باسسەين قاراستىرىلعان.

«Amanat» پارتياسىنىڭ «حا­لىق­پەن بىرگە!» اتتى 2023-2027 جىلدارعا ارنالعان شىم­كەنت قالاسى بويىنشا سايلاۋال­دى باعدارلاماسىن ورىنداۋ ماق­ساتىندا ازىرلەنگەن جول كار­تا­سى­نىڭ 34-تارماعىندا مەك­تەپ ما­سەلەسى قاراستىرىلعان. جوسپار بويىنشا بيىل 7 مەكتەپ جانە قوسىمشا 2 عيمارات پايدالا­نۋعا بەرىلمەك. جول كارتاسىندا بەل­گىلەنگەن مەكتەپتەردىڭ ءبىرى – ساي­رام ەلدى مەكەنىندە ورنالاسقان.

ۇلت ۇستازى احمەت بايتۇر­سىن­ ۇلىنىڭ ەسىمى بەرىلگەن ءبىلىم ورداسىنىڭ اشىلۋ راسى­مىنە پارلامەنت ماجىلىسىن­دەگى «Amanat» پارتياسى فراك­تسياسىنىڭ جەتەكشىسى ە.بەي­سەن­باەۆ, قالالىق پارتيا فيليا­لىنىڭ توراعاسى ب.نارىمبەتوۆ جانە جەرگىلىكتى اتقارۋشى بيلىك وكىلدەرى مەن اۋىل تۇرعىندارى قاتىستى.

– جىل سايىن ەلىمىزدە ءبىرىنشى سىنىپ تابالدىرىعىن اتتايتىن بالالار سانى ارتىپ كەلەدى. ءسوز جوق, بۇل وتە جاقسى ءۇردىس, الايدا بىرقاتار وڭىردە وسى بالالاردى مەكتەپكە سىيدىرا الماي كەلەمىز. «Amanat» پارتياسى ءوزىنىڭ سايلاۋالدى باعدارلاماسىندا مەك­­تەپ تاپشىلىعى ماسەلەسىن شەشۋ­دى قاراستىرعان. جەرگىلىك­تى ماس­ليحاتتاعى «Amanat» فراك­تسيا­سىنىڭ دەپۋتاتتارى حالىق­قا بەرگەن وسىناۋ ۋادە­لەردىڭ ۋاقتىلى ءارى ساپالى ورىن­دالۋىن ءوز باقىلاۋىنا الدى, – دەيدى ە.بەيسەنباەۆ.