16-17 تامىز ارالىعىندا قالادا جىلۋ جەلىلەرىن رەكونسترۋكتسيالاۋ جۇمىستارىن جۇرگىزۋ جوسپارلانعان, وسىعان بايلانىستى بىرقاتار كوشە ۋاقىتشا جابىلدى, دەپ حابارلايدى Egemen.kz.
16 تامىز ساعات 10:00-دەن باستاپ اۋەزوۆ اۋدانىندا سۇلەيمەنوۆ كوشەسىمەن (اۆتوبۋس جولاعى بويىنشا) توقتاباەۆ كوشەسىنەن پياتنيتسكي كوشەسىنە دەيىن, سونىمەن قاتار تۇركسىب اۋدانىندا 16 تامىز ساعات 21:00-دەن 17 تامىز ساعات 06:00-گە دەيىن سەيفۋللين كوشەسىنەن مونتينا كوشەسىنە دەيىن (شىعىس باعىتتا) كولىك قوزعالىسى شەكتەلەدى.
«اتالعان كوشەلەر استىنداعى ماگيسترالدىق قۇبىر ۋچاسكەسىندە جوسپارلى جۇمىستاردى جۇرگىزۋ ءۇشىن ۋاقىتشا شەكتەۋلەر ەنگىزىلەدى. قولايسىزدىقتارعا تۇسىنىستىكپەن قاراۋدى جانە كورسەتىلگەن اۋماقتى اينالىپ ءوتۋ جولدارىن الدىن الا قاراستىرۋدى سۇرايمىز», دەلىنگەن «الماتى جىلۋ جۇيەسى» جشس تاراتقان حابارلامادا.