بۇل تۋرالى جەتىسۋ وبلىسىنىڭ پروكۋراتۋراسى مالىمدەدى, دەپ حابارلايدى Egemen.kz.
11 تامىزدا جۋرناليست ساندۋعاش دۇيسەنوۆا قاماۋعا الىنعانى تۋرالى بەلگىلى بولدى. وعان «جەكە ومiرگە قولسۇقپاۋ جانە دەربەس دەرەك پەن ولاردى قورعاۋ تۋرالى زاڭنامانى بۇزۋ» (147-باپ) بابى بويىنشا ايىپ تاعىلعان ەدى.
ال كەشە, 14 تامىزدا دۇيسەنوۆا جەتىسۋ وبلىسىنىڭ پروكۋرورى ماديار باسشىباەۆپەن قىلمىستىق جاۋاپكەرشىلىككە تارتۋ ماسەلەسى بويىنشا جەكە قابىلداندى.
ونىڭ دالەلدەرىن ەسكەرە وتىرىپ, پروكۋراتۋرا زەرتتەۋ ءۇشىن قىلمىستىق ءىستى سۇراتىپ الدى.
«قىلمىستىق كودەكستىڭ 147-بابىنىڭ 5-بولىگىنە سايكەس قىلمىستىق جاۋاپتىلىق بۇقارالىق اقپارات قۇرالدارىندا دەربەس دەرەكتەردى زاڭسىز تاراتۋ ناتيجەسىندە ادامنىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرىلگەن جاعدايدا تۋىندايدى. الايدا, تەرگەۋ ورگانى زاڭنامادا كوزدەلگەن تەرگەۋ مەرزىمىندە جابىرلەنۋشىگە ەلەۋلى زيان كەلتىرىلگەنىن راستايتىن جەتكىلىكتى ناقتى دەرەكتەردى انىقتاعان جوق», دەلىنگەن حابارلامادا.
وسىعان بايلانىستى تالدىقورعان قالاسى پروكۋرورىنىڭ قاۋلىسىمەن جۋرناليسكە قاتىستى قوزعالعان قىلمىستىق ءىس توقتاتىلدى.