پرەزيدەنت قاسىم-جومارت توقاەۆ اباي كۇنىنە وراي Twitter پاراقشاسىندا قۇتتىقتاۋ جاريالادى, دەپ حابارلايدى Egemen.kz اقوردانىڭ تەلەگرام ارناسىنا سىلتەمە جاساپ.
«بارشاڭىزدى اباي كۇنىمەن قۇتتىقتايمىن! حاكىم اباي – ۇلت رۋحانياتىن دامىتۋعا ولشەۋسىز ۇلەس قوسقان كەمەڭگەر. ۇلاعاتتى ۇرپاق تاربيەلەۋ ىسىندە اباي وسيەتىنىڭ ماڭىزى زور. ادال ازامات ۇعىمى ۇلى اقىننىڭ «تولىق ادام» تۇجىرىمىنان باستاۋ الادى. ءبىز اباي مۇراسىن ناسيحاتتاۋدى جالعاستىرا بەرەمىز», دەپ جازدى مەملەكەت باسشىسى.