قىزىلوردا وبلىسىندا جوعالىپ كەتكەن قىزدىڭ دەنەسى تابىلدى

«ىزدەستىرۋ جۇمىستارى كەزىندە ەكى درون پايدالانىلدى. بۇگىن ساعات 13:00 شاماسىندا قىزدىڭ ءمايىتى ء«ۇبىس» ارىعىنان تابىلدى. ءمايىتتىڭ دەنەسىندە زورلىق-زومبىلىق بەلگىلەرى بايقالماعان. الدىن الا مالىمەتتەرگە سايكەس, قىز سۋعا باتىپ كەتكەن. قازىر سوتقا دەيىنگى تەرگەپ-تەكسەرۋ ارەكەتتەرى جۇرگىزىلىپ جاتىر, ءتيىستى ساراپتامالار تاعايىندالدى», دەلىنگەن حابارلامادا.

ەسكە سالا كەتسەك, 7 جاستاعى قىز 6 تامىز كۇنى كەشكى ۋاقىتتا ۇيىنەن شىعىپ كەتىپ, قايتا ورالماعان. 

اتا-اناسى مەن تۋىستارى قىزدى وزدەرى تابۋعا تىرىسقان. الايدا ىزدەۋ ناتيجە بەرمەگەن سوڭ پوليتسياعا جۇگىنگەن. حابارلاما تۇسكەن ساتتەن باستاپ پوليتسيا قىزمەتكەرلەرى دەرەۋ ىزدەۋگە كىرىستى. جوعالعان قىزدى ىزدەۋگە قارماقشى اۋداندىق پوليتسيا ءبولىمىنىڭ جەكە قۇرامى, تجد, اۋدان اكىمدىگىنىڭ قىزمەتكەرلەرى, ەرىكتىلەر, جالپى 60-تان استام ادام جۇمىلدىرىلدى.