قازاقستاندا سوڭعى ەكى جىلدا شاڭىراق باسىندا جانجال شىعاراتىنداردىڭ قولىنان 300 ادام كوز جۇمعان. مۇنداي دەرەكتى ادام قۇقىقتارى جونىندەگى ۋاكىل كەڭسەسى ۇسىندى, دەپ حابارلايدى Egemen.kz,
قازىر ۋاكىل كەڭسەسى تۇرمىستاعى زورلىق-زومبىلىق پەن نازىك جاندىلاردىڭ قۇقىقتارىن بۇزۋ ماسەلەلەرىنە قاتىستى جۇمىس جۇرگىزىپ جاتىر.
«بۇل ماسەلە بۇكىل الەمدە وتە وزەكتى. بۇگىنگى كۇنگە دەيىن 736 ميلليون ايەل ءتۇرلى زورلىق-زومبىلىققا ۇشىرادى. ونىڭ 640 ميلليوننان استامى (87%) - 15 جاستان اسقان قىزدار مەن ايەلدەر. تەك كەيىنگى ەكى جارىم جىلدا ەلىمىزدە وتباسىداعى اگرەسسورلار 300 ادامنىڭ ولىمىنە سەبەپكەر بولعان. دەنساۋلىققا اۋىر زيان كەلتىرۋدىڭ 913, ال دەنساۋلىققا ورتاشا زيان كەلتىرۋدىڭ 837 جاعدايى تىركەلدى. 37 مىڭنان استام ادام ءتۇرلى جاۋاپكەرشىلىككە تارتىلدى», دەلىنگەن مالىمەتتە.