الەمدى تاڭعالدىرعان ەرەكشە جاندار

ۇجىم قازىر كىشى, ورتا جانە ەرەسەك دەگەن ءۇش توپقا بو­­لىنگەن. وسى جولعى بايقاۋعا ءۇش جى­گىت پەن ءۇش قىزدان تۇ­را­تىن ەرە­سەكتەردىڭ شاعىن قۇ­رامى عانا قاتىستى. جالپى, بۇل ۇجىم­نىڭ ەرەكشەلىگى تۋرالى دا بۇرىن جازعانبىز. ولار 17 جىل بۇرىن پەتروپاۆلداعى قۇ­لاعى ەستىمەي, ىممەن عانا سوي­لەسەتىن بالالاردىڭ مەكتەپ-ينتەرناتىندا قۇرىلعان. مۇنداعى بالالاردىڭ بيگە يكەمى زور ەكەنىن تانىعان كاسى­بي ءبيشى ولگا روستوۆششيكوۆا ولار­دىڭ اراسىنا كەلىپ, وسى ۇجىم­دى قۇرعان. مەكتەپتى ءبىتى­رىپ, ەرەسەكتەر قاتارىنا ەنگەن ۇجىمدى جەرگىلىكتى بيلىك س.مۇقانوۆ اتىنداعى قازاق تەاترى ۇجىمىنىڭ جانىنا ورنالاستىردى.

دەنساۋلىقتارىندا كىنارات بار – قۇلاعى ەستىمەي, ىممەن عانا سويلەسەتىن جاندار­دى بي ونەرىنە باۋلۋدىڭ قانشا­لىق­تى ەڭبەكتى تالاپ ەتەتىنى بەل­گىلى. ولاردان: «بي ونەرىن ۇي­رە­تەتىن ۇستازدارىڭدى قالاي ۇعا­سىڭدار؟» دەپ سۇراعانىمىزدا جۇرەك تۇستارىن كورسەتىپ جاۋاپ بەردى. بۇدان ارتىق جاۋاپ تا جوق بولار.

تالماي تالاپتانىپ, ەرىن­بەي ەڭبەكتەنگەننىڭ ارقاسىن­دا بۇل ۇجىم باس اينالدىرار بيىك­تەرگە قولجەتكىزدى. ۇستى­مىزدەگى جىلدىڭ مامىر ايىن­دا عانا ونەر ۇجىمى دۋباي­دا وتكەن «Dance-fest Dubai» اتتى حورەوگرافيالىق ونەر­دىڭ الەمدىك بايقاۋىندا باس جۇلدەنى جەڭىپ العان بولاتىن. ول كەزدە كونكۋرسقا التى مەملەكەتتەن 200-دەي ونەر ۇجى­مى قاتىسقان ەدى. ونىڭ الدىندا ۇجىم اقش-تا دا ونەر كورسەتىپ, گران-ءپريدى ۇتىپ العان.

ەندى مىنە, قىزىلجاردىڭ ۇجىمى يسپانيا بايقاۋىن دا قانجىعاسىنا بوكتەرىپ وتىر. ماقتانىپ كەتۋدى, اسىرا سوي­لەۋدى بىلمەيتىن ۇجىم مۇشەلەرى قۋانىشتارىن تەك جالىنداعان, جارقىلداعان كوڭىل-كۇيىمەن عانا جەتكىزدى. ال ۇجىمنىڭ جەتەكشىسى ولگا روستوۆششيكوۆانىڭ ءوزى جەر قوز­عالسا قوزعالمايتىن سابىرلى جان. وبلىس اكىمى ايداربەك ساپاروۆ ونى قابىلداپ, ۇلكەن جەڭىستەرىمەن قۇتتىقتاعاندا دا سابىرلى قالپىنان تانبا­دى. اكىم ۇجىم مۇشەلەرى مەن ونىڭ جەتەكشىسىنە زور تابىستار تىلەپ, سەنىم ءبىلدىردى. ءوڭىر باسشىسى ونەر ۇجىمىنا بارلىق ماتەريالدىق تا, تەح­ني­كالىق تا جاعداي جاسال­عانىن, الداعى ۋاقىتتا دا وسىنداي قولداۋ كورسەتىلە بەرەتىنىن جەتكىزدى.