قىتايدىڭ چەندۋ قالاسىندا ءوتىپ جاتقان حححI بۇكىلالەمدىك جازعى ۋنيۆەرسيادادا قازاقستاندىق ادىلبەك مۋسين 100 مەتر قاشىقتىقتى باتتەرفلياي ادىسىمەن 52,34 سەكۋند ناتيجەمەن ءجۇزىپ ءوتىپ, فينالعا جولداما الدى, دەپ حابارلايدى Egemen.kz.
100 مەترگە باتتەرفلياي ادىسىمەن ءجۇزۋ بويىنشا اقتىق سىنعا بارلىعى 8 سپورتشى قاتىسادى.
وسىعان دەيىن جاپونيانىڭ فۋكۋوكا قالاسىندا وتكەن سۋ سپورتىنان الەم چەمپيوناتىندا ادىلبەك مۋسين 100 مەترگە باتتەرفلياي ادىسىمەن جۇزۋدەن 51,68 سەكۋند كورسەتكىشپەن قازاقستاننىڭ رەكوردىن ورناتقان بولاتىن.
6 تامىز كۇنگى ساعات 12:00-دەگى (جەرگىلىكتى ۋاقىت) جاعداي بويىنشا قازاقستان مەدالدىق ەسەپتە 19-شى ورىندا تۇر. قازاقستان قۇراماسىنىڭ قورجىنىندا 19 مەدال بار: ەكى التىن, جەتى كۇمىس جانە 10 قولا. قىتاي كوش باستاپ تۇر (141 مەدال: 78 التىن, 33 كۇمىس جانە 30 قولا). ەكىنشى ورىندا جاپونيا (74:19-24-31), ءۇشىنشى ورىندا وڭتۇستىك كورەيا (50:17-15-18).
بۇعان دەيىن بيىكتىككە سەكىرۋ جارىسىندا قازاقستاندىق نادەجدا دۋبوۆيتسكايا مەن كريستينا وۆچيننيكوۆا فينالعا شىقتى.