قر پارلامەنتى سەناتىنىڭ دەپۋتاتى ساعىندىق لۇقپانوۆ اتىراۋ وبلىسىندا بولىپ, اۋداندىق ءماسليحات دەپۋتاتتارىمەن, كاسىپكەرلەرمەن, كوكتوعاي, ەسبول, جارسۋات, اق جايىق, ەڭبەكشىل جانە ماحامبەت ەلدى مەكەندەرىنىڭ تۇرعىندارىمەن كەزدەستى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەناتور كەزدەسۋ بارىسىندا پالاتا قىزمەتىنىڭ قورىتىندىلارى تۋرالى حاباردار ەتىپ, وتكەن سەسسيا بارىسىندا قابىلدانعان زاڭدارداعى نەگىزگى جاڭالىقتارعا جان-جاقتى توقتالدى. كەزدەسۋگە قاتىسۋشىلار ءماسليحات دەپۋتاتتارىنىڭ وڭىردەگى دەنساۋلىق ساقتاۋ جۇيەسىن, جول جانە اۋىز سۋمەن قامتاماسىز ەتۋدى جەتىلدىرۋ جونىندەگى ۇسىنىستارىن جانە جەرگىلىكتى تۇرعىندار ايتقان وزەكتى ماسەلەلەردى تالقىلادى.
دەپۋتات سونىمەن بىرگە «يسپۋسينوۆ», «داستان» شارۋا قوجالىقتارىنىڭ, «جۇماعاليەۆا ن» پوليكاربوناتتان جاسالعان وندىرىستىك جىلىجاي كەشەنىنىڭ جۇمىسىمەن, سونداي-اق «JoiPark» ويىن-ساۋىق ورتالىعى جانە «Saida» ساۋدا ورتالىعىمەن تانىستى.
ساعىندىق لۇقپانوۆ ساپار اياسىندا اۋىل تۇرعىندارىمەن جۇزدەسىپ, شاعىن ەلدى مەكەندەردىڭ پروبلەمالارىمەن تانىستى. سەناتور اتىراۋ وبلىسى اۋىلدارىنىڭ پروبلەمالارى ۇنەمى ونىڭ نازارىندا ەكەنىن جانە ولاردى وڭ شەشۋ جولىنداعى جۇمىستى جالعاستىرا بەرەتىنىن اتاپ ءوتتى.