قورشاعان ورتانى قورعاۋ جانە تابيعاتتى پايدالانۋ باسقارماسى قالا اۋماعىندا تۇنگى ۋاقىتتا ساعات 21.00-دەن 04.00-گە دەيىن 6 تۋر بويى باسقا وڭىرلەردەن ماسالاردىڭ كوشى-قونىن بولدىرماۋ ماقساتىندا قورعانىس جاساي وتىرىپ, شىبىن-شىركەيلەردى قۇرتۋ ءىس-شارالارىن وتكىزەدى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا 28 شىلدەدەن باستاپ 4-تۋر اياسىندا استانا قالاسىندا ماسالاردى جويۋ جۇمىسى ءجۇرىپ جاتىر. بۇل جۇمىس اشىق الاڭداردا بەكىتىلگەن جۇمىس كەستەسىنە سايكەس جۇرگىزىلۋدە.
ەلوردانىڭ شەتىنەن شىبىن-شىركەي مەن ولاردىڭ جاپپاي ۇشىپ كەلۋىنە جول بەرمەۋ ماقساتىندا قالا ماڭىنداعى قورعانىس بوگەتتەرى تۇراقتى تۇردە جۇرگىزىلۋدە. جۇمىس مامانداندىرىلعان دەزينفەكتسيالىق ماشينالار مەن تەرموگەنەراتورلاردىڭ كومەگىمەن, حلورپيريفوس پەن مالاتيوننىڭ بەلسەندى زاتى بار FOS كلاسىنىڭ ينسەكتيتسيدتىك پرەپاراتتارىن قولدانا وتىرىپ جۇرگىزىلەدى.
زيانكەستەرمەن كۇرەسۋ كەزىندە ساقتىق شارالارىن ساقتاۋ ماڭىزدى:
ەگىستىك جەرلەرگە بارۋدى شەكتەۋ; وڭدەۋ كەزىندە تەرەزەلەردى جابۋ.وڭدەۋ كەزىندە كەلەسى تەحنيكالار قولدانىلادى: 90-نان استام دەزينفەكتور, 8 ەنتومولوگ-بيولوگ, 24 تەرموگەنەراتور, 90 بىرلىك موتورلى سومكە بۇرىككىشتەر, 3 بىرلىك دەزينفەكتسيالاۋ ماشيناسى جانە 2 بىرلىك دەزينفەكتسيالاۋ قوندىرعىسى بار موتوتسيكل ءشاسسيى.
سونىمەن قاتار ەنتومولوگيالىق عىلىمي توپپەن جۇمىستىڭ تيىمدىلىگىن باقىلاۋ تۇراقتى نەگىزدە ورىندالادى. سول سياقتى زيانكەستەرمەن كۇرەسۋ شارالارىنىڭ ۋاقىتىن كليماتتىق جاعدايلارعا (جاڭبىر, داۋىل, تەمپەراتۋرانىڭ تومەندەۋى جانە ت.ب.) بايلانىستى رەتتەۋگە بولاتىنىن اتاپ وتكەن ءجون.