الماتى وبلىسى تجد كەزەكشى بولىمىنە ەسىك وزەنىندە سۋ دەڭگەيىنىڭ كوتەرىلۋى سالدارىنان ەڭبەكشىقازاق اۋدانىنىڭ راحات اۋىلدىق وكرۋگىندە ساياجاي ماڭىنداعى ارالدا 2011, 2012 جىلعى ەكى بالانىڭ قالىپ قويعانى تۋرالى حابارلاما كەلىپ ءتۇستى, دەپ حابارلايدى Egemen.kz.
وبلىستىق تج دەپارتامەنتىنىڭ قىزمەتكەرلەرى بىردەن وقيعا ورنىنا جىبەرىلگەن.
«قۇتقارۋشىلار توبى سەرۋەنگە شىعىپ, ۇيلەرىنە ءوز بەتىنشە ورالا الماعان بالانىڭ ءبىرىن ءورت ءسوندىرۋشى-قۇتقارۋشى رۋسلان الپىسباەۆ, ەكىنشىسىن №3 ءورت ءسوندىرۋ ءبولىمىنىڭ جۇرگىزۋشىسى باعجان ورازىمبەتوۆ كوتەرىپ الىپ شىقتى. بالالارعا مەديتسينالىق كومەك قاجەت بولمادى», دەلىنگەن وبلىستىق تجد مالىمەتىندە.
الماتى وبلىسى تجد كامەلەتكە تولماعان بالالاردى قاراۋسىز قالدىرماۋلارىڭىزدى سۇرايدى.