سەمەي قالاسىنىڭ وزەركي اۋىلدىق وكرۋگىندە فورەل شارۋاشىلىعى ىسكە قوسىلدى. اتالعان شارۋاشىلىقتا سۋمەن قامتاماسىز ەتۋدىڭ تۇيىق تسيكلدى تەحنولوگياسى قولدانىلادى, دەپ حابارلايدى Egemen.kz.
مەنشىك يەسى بيىلعى جىلى ءمودۋلدى ۇلگىدەگى ءۇي-جاي سالىپ, ارنايى جابدىقتار مەن بالىق باپتاۋعا ارنالعان كونتەينەرلەر ساتىپ العان. كاسىپكەردىڭ كەلەشەكتەگى جوسپارى - باسسەيندەردە فورەلدى ءوسىرىپ, كوبەيتۋ.
«ۇكىمەتتىڭ قاۋلىسىمەن بەكىتىلگەن بالىق شارۋاشىلىعىن دامىتۋدىڭ 2021-2030 جىلدارعا ارنالعان مەملەكەتتىك باعدارلاماسى اياسىندا العاش رەت ىسكە قوسىلعان فورەل شارۋاشىلىعىنا اباي وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى وكىلدەرى بارىپ, زاڭناماعا سايكەس بالىق شارۋاشىلىعى سۋبەكتىلەرىنە مەملەكەت تاراپىنان جاسالاتىن قولداۋ شارالارى تۋرالى تۇسىنىكتەمە بەردى», دەلىنگەن اباي وبلىسى اكىمدىگىنىڭ اقپاراتىندا.