ەسەتجان قوسۋباەۆ «ۇلتتىق كينونى قولداۋ مەملەكەتتىك ورتالىعى»كەاق باسقارما توراعاسى قىزمەتىنەن بوساتىلىپ, ورنىنا قۇرمانبەك جۇماعالي تاعايىندالدى, دەپ حابارلايدى Egemen.kz قر مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
قۇرمانبەك جۇماعاليدىڭ ماسس-مەديا جانە تەلەمەنەدجمەنت سالاسىندا 10 جىلعا جۋىق تاجىريبەسى بار.
ەڭبەك جولىن «قازاقستان» تەلەارناسىندا رەداكتور بولىپ باستاعان, «حابار» اگەنتتىگىنىڭ جەتەكشى رەداكتورى, ءتىلشىسى.
2013-2018 جىلدارى قۇرمانبەك جۇماعالي قاراعاندى وبلىسى اكىمدىگىنىڭ ءباسپاسوز قىزمەتىنىڭ باسشىسى جانە ماڭعىستاۋ وبلىسى ىشكى ساياسات باسقارماسىنىڭ باسشىسى بولعان.
2018-2019 جىلدارى «قازاق راديولارى» جشس باسقاردى, «قازاقستان» رترك» اق باسقارما توراعاسىنىڭ ءبىرىنشى ورىنباسارى بولدى. وسى ۋاقىتقا دەيىن «31» مەدياحولدينگىنىڭ باس ديرەكتورى بولىپ ەڭبەك ەتكەن.