جامبىل وبلىسىندا ء«سۇلۋتور – بوتامويناق» مەملەكەتتىك تابيعي قورىقشاسى قۇرىلادى, دەپ حابارلايدى Egemen.kz.
«تۇرار رىسقۇلوۆ جانە جامبىل اۋداندارىنىڭ اۋماقتارىندا جەرگىلىكتى ماڭىزى بار ء«سۇلۋتور – بوتامويناق» مەملەكەتتىك تابيعي قاۋمالىن قۇرۋ ءۇشىن رەزەرۆىلەنگەن جەر ۋچاسكەلەرىنىڭ قوسا بەرىلىپ وتىرعان ورنالاسۋ جوسپارى مەن ەكسپليكاتسياسىنا سايكەس شەكارالار شەگىندە جالپى الاڭى 128 846 گەكتار جەر ۋچاسكەلەرى ولاردى پايدالانۋ قۇقىعىنا شەكتەۋلەر (اۋىرتپالىقتار) بەلگىلەمەي 12 اي مەرزىمگە رەزەرۆتە قالدىرىلسىن», دەلىنگەن جاريا تالقىلاۋعا ۇسىنىلعان وبلىس اكىمىنىڭ شەشىمىندە.
قاۋلى جوباسىنا قوسا بەرىلگەن انىقتامادا كورسەتىلگەندەي, جەرگىلىكتى ماڭىزى بار مەملەكەتتىك تابيعي قاۋمالدى قۇرۋ جونىندەگى جاراتىلىستانۋ-عىلىمي نەگىزدەمەسىنە وبلىستىق ەكولوگيا دەپارتامەنتىنىڭ ەكولوگيالىق ساراپتاماسىنىڭ وڭ قورىتىندىسى بار.
قۇجات 7 تامىزعا دەيىن كوپشىلىك تالقىلاۋعا ۇسىنىلعان.