سينوپتيكتەردىڭ بولجامى بويىنشا, 20-22 شىلدەدە قازاقستاندا قاتتى جاڭبىر جاۋىپ, كۇن سۋىتۋى ىقتيمال, دەپ حابارلايدى Egemen.kz.
«قازگيدرومەت» رمك ۇسىنعان مالىمەت بويىنشا, رەسپۋبليكانىڭ باسىم بولىگىندە نايزاعاي ويناپ, بۇرشاق جاۋىپ, ەكپىندى جەل سوعادى.
«ەلدىڭ سولتۇستىك-باتىسىندا, سولتۇستىگىندە, شىعىسىندا جانە وڭتۇستىك-شىعىستىڭ تاۋلى ايماقتارىندا قاتتى جاڭبىر جاۋادى. اۋا تەمپەراتۋراسى تۇندە سولتۇستىك, شىعىس جانە ورتالىق وبلىستاردا 10-18 گرادۋسقا دەيىن تومەندەيدى», دەلىنگەن حابارلامادا.
بولجام بويىنشا, 21 شىلدەدەن باستاپ ەلىمىزدىڭ باتىسىندا جاۋىن-شاشىن توقتايدى.