قر ەكولوگيا جانە تابيعي رەسۋرستار مينيسترلىگىنە قاراستى ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى نۇرلان قىلىشباەۆ قىزمەتىنەن كەتتى, دەپ حابارلايدى Egemen.kz.
نۇرلان قىلىشباەۆ 1971 جىلى تالدىقورعان قالاسىندا تۋعان. قازاق ەڭبەك قىزىل تۋ وردەندى اۋىل شارۋاشىلىعى ينستيتۋتىن, د.ا.قوناەۆ اتىنداعى گۋمانيتارلىق ينستيتۋتىن تامامداعان.
ەڭبەك جولىن 1993 جىلى «تالدىقورعان – نيجني نوۆگورود» ساۋدا ءۇيىنىڭ جەتەكشى مامانى بولىپ باستاعان.
1994-1999 جىلدارى تالدىقورعان ورمان شارۋاشىلىعى وندىرىستىك بىرلەستىگىنىڭ جەتەكشى ينجەنەرى, قازاقستان رەسپۋبليكاسى ىشكى ىستەر مينيسترلىگى ورگاندارىندا قىزمەت ەتتى, سونىمەن قاتار تالدىقورعان قالاسى اكىمىنىڭ كومەكشىسى بولدى.
1999-2013 جىلدار ارالىعىندا جامبىل وبلىسى اكىمىنىڭ اپپاراتىندا, الماتى وبلىسىنىڭ تابيعي رەسۋرستار باسقارماسىندا ءتۇرلى قىزمەتتەر اتقارعان, كوممەرتسيالىق ۇيىمنىڭ پرەزيدەنتى بولعان.
2013-2016 جىلدارى - الماتى وبلىسى ەسكەلدى اۋدانىنىڭ اكىمى.
2016-2017 جىلدارى - التىنشى سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتى, الەۋمەتتىك-مادەني دامۋ جانە عىلىم جونىندەگى تۇراقتى كوميسسيانىڭ مۇشەسى.
2019-2021 جىلدارى - قازاقستان رەسپۋبليكاسى پارلامەنتى سەناتى جانىنداعى سەناتورلار كەڭەسىنىڭ حاتشىسى.
نۇرلان قىلىشباەۆ 2022 جىلدىڭ 4 اقپانىندا قر ەكولوگيا مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى بولىپ تاعايىندالعان ەدى.