مەملەكەت باسشىسى قاسىم-جومارت توقاەۆ «ونلاين-پلاتفورمالار جانە ونلاين-جارناما تۋرالى» زاڭىنا قول قويدى.
زاڭ بويىنشا ەندى ونلاين-پلاتفورما وكىلدەرى مەن ەل ازاماتتارىنىڭ اراسىنداعى قارىم-قاتىناس قۇقىقتىق ارناعا تۇسەدى. ەل ازاماتتارىنىڭ قۇقىقتارى مەن مۇددەدەرى زاڭمەن قورعالادى. بۇگىنگى تاڭدا ونلاين-پلاتفورمالاردىڭ ءبىر بولىگى ەلىمىزدە ءوز وكىلدىكتەرىن اشىپ جاتىر. ەندىگى كەزەكتە اككاۋنتقا قاتىستى تۋىنداعان ماسەلەلەر زاڭمەن ءتيىمدى رەتتەلمەك.
مەملەكەتتىك ءتىلدىڭ دامۋىنا قاتىستى دا وڭ وزگەرىس بار. جارناما بەرگەندە مەملەھكەتتىك تىلدەگى نۇسقاسىن قامتاماسىز ەتۋ, زياندى كورىنىستەن بالالاردى ساقتاۋ, ولاردىڭ قۇقىقتارىن قورعاۋ سەكىلدى ماسەلەلەر زاڭدا قامتىلعان.
زاڭدا جالعان اقپارات تاراتپاۋ سىندى نورمالار دا قاراستىرىلعان. اتالعان زاڭ ەل يگىلىگى مەن قوعام دامۋىنا قىزمەت ەتىپ, ازاماتتاردىڭ قۇقىقتارى مەن مۇددەلەرىن قورعايدى دەگەن سەنەمىز.
باۋىرجان سەرىكباەۆ,
ساياساتتانۋشى