قوستاناي وبلىسىندا پوليتسيا قىزمەتكەرلەرى ەسىرتكى ساتقان

توبولينفو اقپارات اگەنتتىگىنىڭ مالىمەتىنشە, پوليتسەيلەر قىلمىسكەرلەرگە قوسىلىپ, ەسىرتكى ساۋداسىمەن اينالىسقان. ىسكە 3 پوليتسيا قىزمەتكەرى قاتىسقان.

«قوستاناي وبلىسى بويىنشا ءىىد قىزمەتكەرى امزە ا.م-نىڭ قىلمىستىق قۇقىق بۇزۋشىلىق جاساۋ فاكتىسى بويىنشا سوتقا دەيىنگى تەرگەپ-تەكسەرۋ باستالدى, ونى قوستاناي وبلىسى بويىنشا ۇلتتىق قاۋىپسىزدىك كوميتەتىنىڭ دەپارتامەنتى جۇرگىزىپ جاتىر», دەلىنگەن «توبولينفو» سايتىندا. 

قوستاناي وبلىسىنداعى پوليتسيا قىزمەتكەرلەرىنىڭ ءبىر بولىگى قىزمەتىنەن كەتتى. بىرەۋى ءوزى ارىز جازسا, باسقالارى قىزمەتتىك تەرگەۋ ناتيجەسىندە بوساتىلدى.

«قىزمەتتىك تەكسەرىس ناتيجەسى بويىنشا وبلىستىق پوليتسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ باستىعى الماعامبەتوۆ ا.ق., ورىنباسارى قارتباەۆ ا.ج., قوستاناي قالاسى پوليتسيا باستىعىنىڭ ورىنباسارى م.ن.بازارباەۆ, قوستاناي قالاسى باستىعىنىڭ ورىنباسارى شۇبايوۆ ب.ا., قوستاناي مم باستىعى اتىعاەۆ ا.ا. قوستاناي وبلىسىنىڭ پوليتسيا دەپارتامەنتى باستىعىنىڭ ورىنباسارى ىنتىقباەۆ ا.ك. ىشكى ىستەر ورگاندارىنان جۇمىستان شىعۋ تۋرالى ارىز جازعان. وبلىستىق پوليتسيا دەپارتامەنتىنىڭ كادر ساياساتى باسقارماسىنىڭ باستىعى ديۋسەباەۆ ق.ا. قىزمەتىنەن بوساتۋ تۋرالى حاتتاما تولتىردى», دەدى پوليتسيا دەپارتامەنتى باسشىسىنىڭ ءبىرىنشى ورىنباسارى الەكسەي ميليۋك.

باسىلىمنىڭ مالىمەتىنشە, بۇل ايماقتاعى پوليتسەيلەر بۇعان دەيىن دە ەسىرتكى تاراتقان. 2014 جىلى وسىعان ۇقساس جاعدايدا فورما كيگەن 10 پوليتسيا قىزمەتكەرلەرى ءارتۇرلى مەرزىمگە باس بوستاندىعىنان ايىرىلعان.