حالىققا كەرەگى – بالىق ەمەس, قارماق

پالاتا سپيكەرى ساپارىن ساي­رام اۋدانىنداعى ءسۇت ونىم­دەرىن وندىرەتىن كاسىپورىن «aykan» جاۋاپكەرشىلىگى شەك­تەۋلى سەرىك­تەستىگىن ارالاۋ­دان باستادى. مۇندا «اۋىل اماناتى» پارتيالىق جوباسىنا اتسا­لىسقان شارۋا قوجا­لىقتارى باسشىلارىنىڭ قاتى­سۋىمەن باعدارلامانىڭ ىسكە اسىرىلۋ بارىسى تالقىلاندى. اتالعان جوبا اۋىل-ايماقتا كاسىپكەرلىكتى قولداۋعا باعىتتالعان.

–  «اۋىل اماناتى» جوباسى – اۋىل ازاماتتارى ءۇشىن تابىسىن ارتتىرۋعا زور مۇمكىندىك. بۇل اسى­رەسە, تۇرعىندارىنىڭ كوبى اۋىل­دا تۇراتىن تۇركىستان وبلىسى سياقتى حالقى تىعىز ءوڭىر ءۇشىن وزەكتى. بيىل وسى باعدارلاما بو­يىنشا بولىنەتىن بارلىق قارا­جاتتىڭ بەستەن ءبىر بولىگى ءدال وسىن­دا باعىتتالادى. بۇل – شامامەن 20 ميلليارد تەڭگە. 3,5 مىڭ­عا جۋىق ادامعا جاڭا جۇمىس ورنى اشىلادى, – دەدى ەرلان قوشانوۆ.

وبلىستا «اۋىل اماناتى» جوباسىن ىسكە اسىرۋ قورىتىندىسى بويىنشا وعان قاتىسۋشىلاردىڭ ورتاشا ايلىق تابىسىن – 1,5 ەسە, ءسۇت ونىمدەرىن ءوندىرۋدى – 40,6 پايىزعا, ەتتى – 63,2 پايىزعا, جىلىجاي ونىمدەرىن 30 پايىزعا ۇلعايتۋ جوسپارلانعان. جالپى, بيىل جوبا اياسىندا ەلىمىز بويىن­شا 17 مىڭ ادامدى قامتۋ كوز­دەلىپ وتىر.

سونداي-اق ەرلان قوشانوۆ «قارىزسىز قوعام» جوباسىنا قاتىسۋشىلارمەن كەزدەستى. جوبا قارجىلىق ساۋاتتىلىقتى ارتتىرىپ, قارجىنى دۇرىس جۇم­­ساۋعا ۇيرەتەدى. ءماجىلىس تور­اعاسىنىڭ ايتۋىنشا, قازىر ەلى­مىز­دە 7,5 ملن ادامنىڭ, ياعني حالىق­تىڭ ۇشتەن ءبىر بولىگىنىڭ بانكتە قارىزى بار. شامامەن 1,5 ميلليون ازامات نەسيەسىن 90 نەمەسە ودان دا كوپ كۇنگە كەشىكتىرىپ تولەيدى جانە بانكروتتىق كۇي كەشەدى.

– ونداي ادامدار قايدا بارىپ, كىمنەن كومەك سۇرايتىنىن دا بىلمەيدى. اينالىپ كەلگەندە, بارلىعى  قارجىلىق ساۋات­سىزدىققا كەلىپ تىرەلەدى. سون­دىقتان «Amanat» پارتياسى «قا­رىزسىز قوعام» جوباسىن قول­عا الىپ وتىر. ەكى ايدا ەلى­مىزدىڭ بىرقاتار وڭىرىندە 20 مىڭ­نان اس­تام ادام وقىتىلدى. جىل سوڭى­نا دەيىن بۇل كورسەتكىش 80 مىڭعا جەتكىزىلەدى. ترەنەرلەر حالىققا قارجىنى دۇرىس يگەرۋ­دى, وتباسىلىق بيۋدجەتتى جوسپار­لاۋدى ۇي­رەتەدى, – دەدى ءماجىلىس توراعاسى.

جالپى, پالاتا سپيكەرى پرە­زيدەنتتىڭ ساياساتى مەن «Amanat» پارتياسىنىڭ جوبالارى ارقا­سىندا بۇگىندە اۋىلداعى بەلسەندى ازاماتتار ءۇشىن جاڭا ءارى ۇلكەن مۇمكىندىكتەرگە جول اشىلعانىن اتاپ ءوتتى.

– پارتيانىڭ جوبالارى حا­لىققا زاڭ شەڭبەرىندە قارىز­دان قۇتىلۋعا, قارجىلىق ساۋات­تى ۇيرەنۋگە, ءوز ءىسىن جۇرگىزۋ ءۇشىن مەملەكەتتەن ءتيىمدى نەسيە الۋعا كومەكتەسەدى. سونىمەن قاتار ءبىراز اۋىل شارۋاشىلىعى جەر­لەرى مەملەكەتكە قايتارىلىپ جاتىر. ولار دا حالىقتىڭ يگىلىگىنە بەرىلەدى. ەندىگى كەزەكتە ەڭ باستىسى – بەلسەندىلىك تانىتىپ, وسى مۇمكىندىكتەردى پايدالانۋ. ءبىزدىڭ مىندەتىمىز – حالىققا بالىق ەمەس, قارماق بەرۋ, – دەدى ءماجىلىس توراعاسى.

قازىعۇرت اۋدانى, شاربۇلاق اۋىلىنداعى دانيار قاراتاەۆتىڭ شارۋاشىلىعى – وسىنىڭ ايقىن دالەلى. ەرلان قوشانوۆ بۇل شا­رۋاشىلىققا دا ات باسىن بۇردى. قارىزى كوپ, تۇراقتى جۇمىس ورنى جوق اۋىل تۇرعىنى «قارىزسىز قوعام» جوباسى بو­يىن­شا وقىپ, كەيىن «اۋىل اماناتى» جوباسىمەن 4 ملن تەڭگە نەسيە العان. 8 ساۋىن سيىر ساتىپ الىپ, ءسۇت ءوندىرىسىن جولعا قويىپ وتىر. قازىر دانيار قاراتاەۆتىڭ تۇراقتى تابىسى بار.

سونىمەن قاتار ءماجىلىس سپيكەرى سايرام اۋدانى اقسۋكەنت اۋىلىنداعى 1 200 وقۋشىعا ارنالعان ءال-فارابي اتىنداعى مەكتەپكە باردى. بۇل ءبىلىم ورداسىن 2022 جىلى وڭىرگە بەلگىلى مەتسەنات, پارتيا ارداگەرى نيزامحان سۋلايمانوۆ جەكە قاراجاتىنا سالىپ بەردى. مەتسەنات ءوز اۋدانىندا وسىنداي 7 مەكتەپ سالدىرعان.

– تۇركىستاندا وتكەن قۇرىل­تايدا پرەزيدەنتىمىز جا­ۋاپ­تى ازاماتسىز ادىلەتتى قا­زاق­ستاندى قۇرۋ مۇمكىن ەمەس ەكەنىن ايتتى. بۇل ادام ەل يگىلىگى جولىندا ادال ەڭبەك ەتىپ, تۋعان جەردىڭ دامۋى ءۇشىن بارىن سالىپ ءجۇر. ول ءوزىنىڭ ناعىز پاتريوت ەكەنىن سوزىمەن ەمەس, ىسىمەن دادەلدەدى. سايرام ءوڭىرىنىڭ كاسىپكەرلەرى – وسى جاۋاپتى ازاماتتىڭ جارقىن ۇلگىسى, – دەدى ءماجىلىس توراعاسى.

 ەرلان قوشانوۆ قۇتارىس اۋىلىنداعى تولىقتاي جەكە قاراجاتقا سالىنعان جاڭا سپورت كەشەنىن ارالادى. ول پار­تيا مۇ­شەلەرىنە بيزنەستىڭ الەۋ­مەت­تىك جاۋاپ­كەرشىلىگىنىڭ وسىنداي ۇلگى­لەرىن رەسپۋبليكا دەڭ­گەيىندە كوبىرەك ناسيحاتتاۋدى تاپسىردى.

سونداي-اق وڭىردە ءماجىلىس سپيكەرى «جەر اماناتى» جانە «قۇقىقتىق كومەك» پارتيالىق جوبالارىنىڭ جۇزەگە اسىرىلۋ بارىسىمەن تانىسىپ, حالىقتىڭ ۇسىنىستارىن تىڭدادى. «قا­رىز­سىز قوعام» جوباسىنىڭ بىر­قاتار قاتىسۋشىسى «Amanat» پار­تيا­سىنىڭ قاتارىنا قوسىلدى. جاڭا مۇشەلەردىڭ ايتۋىنشا, ولاردىڭ كەلۋىنە پارتيانىڭ قا­راپايىم حالىققا سوزبەن ەمەس, ناقتى ءىس جۇزىندە كومەكتەسەتىنى سەبەپ بولعان.