ءماجىلىس دەپۋتاتى, «اماNات» پارتياسى فراكتسياسىنىڭ مۇشەسى ماكسيم روجين الماتى وبلىسىنا جۇمىس ساپارى كەزىندە «Gate City» جوباسىنىڭ جۇزەگە اسىرىلۋ بارىسىمەن تانىستى. بۇل – الماتى اگلومەراتسياسىن دامىتۋ اياسىندا سالىنىپ جاتقان ءتورت سپۋتنيك قالانىڭ ءبىرى, دەپ حابارلايدى Egemen.kz.
«G4 City» جوباسى الماتى وبلىسىندا 2008 جىلدان بەرى جۇزەگە اسىرىلىپ كەلەدى. الماتى-قوناەۆ تاس جولىنىڭ بويىندا جالپى اۋدانى 8 مىڭ گەكتاردان اساتىن 250 مىڭ تۇرعىنعا ارنالعان Gate City, Golden City, Growing City, Green City ورتالىقتارىنان قۇرالعان زاماناۋي اۋدان سالىنىپ جاتىر.
ءبىرىنشى سپۋتنيك قالا Gate City – تۇرعىن ءۇي قۇرىلىسى مەن يندۋستريالىق ايماعى بار ءىرى بيزنەس جانە قارجى ورتالىعى. باس جوسپار بويىنشا ونىڭ اۋماعى شامامەن 2,4 مىڭ گەكتاردى قۇرايدى. ساراپشىلاردىڭ پىكىرىنشە, 2030 جىلعا قاراي Gate City اۋماعىندا 90 مىڭ ادام تۇراتىن بولادى. مۇندا بارلىعى 74 توعىز قاباتتى ءۇي, 10 مەكتەپ, 16 بالاباقشا, 4 ەمحانا بوي كوتەرەدى.
ماجىلىسمەن سپۋتنيك قالالاردىڭ كوممۋنالدىق ينفراقۇرىلىمىنا ەرەكشە نازار اۋدارۋ قاجەتتىگىن اتاپ ءوتتى.
«بۇل رەتتە حالىقتى ساپالى اۋىز سۋ مەن ەلەكتر ەنەرگياسىمەن ۇزدىكسىز قامتاماسىز ەتۋ ماسەلەلەرى پارتيالىقتاردىڭ ەرەكشە باقىلاۋىندا بولۋى ءتيىس. جىلۋمەن جابدىقتاۋ نىساندارىنىڭ دايىندىعىن دا باقىلاۋ قاجەت», دەدى م.روجين.
دەپۋتات تۇرعىن ءۇي باعاسى قولجەتىمدى بولۋى قاجەت ەكەنىن ايتتى.
جوبا بىرنەشە كەزەڭنەن تۇرادى. ءبىرىنشى كەزەكتە «Gate City» سپۋتنيك قالانىڭ ينجەنەرلىك-كوممۋنيكاتسيالىق ينفراقۇرىلىم نىساندارىن سالۋ تۇر. قازىرگى ۋاقىتتا 86,5 شاقىرىم ماگيسترالدىق جەلىلەرى اياقتالدى. ەلەكتر قوسالقى ستانساسى, اۆتوماتتى گاز تاراتۋ, ماگيسترالدىق سۋ قۇبىرى مەن كارىزدىك سورعى ستانتسياسى بار سۋ تارتۋ قوندىرعىلارى سالىندى. ۇزاق مەرزىمدى قۇرىلىس نىساندارىنىڭ قاتارىندا جوعارى سۋ جىلىتۋ قازاندىعى مەن «الماتى-قوناەۆ» تاس جولىنىڭ بويىنداعى كوپىر بار.