«Gul Astana» فەستيۆالى

فەستيۆالدە استانا قالاسى­­نىڭ كرەاتيۆتى يندۋستريالاردى دامى­تۋ ورتالىعىنىڭ ماماندارى قالا تۇر­عىندارىن ەكو قوزعالىسقا شاقى­رىپ, شيكىزاتتى قايتا وڭدەۋدىڭ ما­ڭىزىن تۇسىندىرۋگە تىرىستى. مۇ­نى ءبىز ەكسپو اۋماعىندا ءسانى مەن سال­تاناتى كەلىسكەن كورمەدەن انىق اڭعاردىق. شاتىرلاردى ارالاپ, سول ماڭدا تىزىلگەن وسىمدىكتەردى تاماشالادىق. وسى ارادا مەرەكە­لىك ءىس-شاراعا وسكىندەردىڭ ءتۇر-ءتۇرىن الىپ كەلگەن نادەجدا جەرەبتسوۆامەن جۇزدەسىپ, اڭگىمەگە تارتقان ەدىك.

– تسەلينوگراد اۋدانىنداعى اق­قايىڭ اۋىلىندا شاعىن كاسىبىمىز بار. كوشەت دايىندايمىز. سوندا تۇسىنگەنىم, تۇرعىنداردىڭ كوبى باۋ-باقشا ءوسىرۋ قيىن شارۋا دەپ ويلايدى. شىن مانىسىندە, وسكىنگە قانداي تىڭايتىش كەرەگىن ءبىلىپ, ءتۇ­سىنىپ, كۇتىپ قارايلاسساڭ, جەمىسىن كورەسىڭ. قالاۋىن تاپساڭ, كوپتە­گەن وسىمدىكتى جەرسىندىرۋگە بولادى. ءبىز الەمدە تابيعاتى قولايسىز, تو­پىراعى قۇنارسىز بولسا دا, جاسىل جەلەگى جايقالعان ەلدەردىڭ بارىن بىلەمىز. جەرىمىزدى گۇلدەندىرىپ, باق­قا اينالدىرۋ ءبىزدىڭ قولدان دا كەلەدى. سول ءۇشىن دە مەن باق­شا وسىرۋگە قىزىعاتىندارعا قۋا­نا-قۋانا بىلگەنىمدى ايتامىن. بىل­مە­گەنىمدى ۇيرەنۋگە تالپىنىپ ءجۇر­مىن. بىلسەڭىزدەر, كەيبىر جازىق­تا قاۋلاپ شىعاتىن وسىمدىكتەر­دىڭ بىز­دە وسىرۋگە بولاتىن تۇرلەرى دە بار. سونى بىرتە-بىرتە قالاعا اكەلۋگە مۇمكىندىك تە مول. بۇگىن مەن بايقاۋعا قاتىسۋعا ەمەس, ەلىمىزدە العاش رەت ۇيىمداستىرىلىپ وتىرعان گۇلدەر فەستيۆالىن تاماشالاۋعا كەلدىم, – دەيدى ن.جەرەبتسوۆا.

فەستيۆالدىڭ پروديۋسەرى مايرا يزمايلوۆانىڭ ايتۋىنشا, ءىس-شارا­عا استانا قالاسىن بىلاي قويعاندا, الماتى, قاراعاندى وبلىسىنان ەكولوگ, فلوريست, ۋربانيست, ەكو-كəسىپكەر, ونەر مايتالماندارى كەلگەن. ولاردىڭ اراسىندا سۋرەتشى لəيلا ماحات پەن لəيلا احمەت وسمان, زۋمبا-نۇسقاۋشى راۋشان ساربالينوۆا, ەنەرگو-پراكتيك فەر­دۋسا (قىرعىزستان) بار.

– فەستيۆالدىڭ ەرەكشەلىگىنە از-كەم توقتالايىن. مۇندا ەلدىڭ تابي­عي ايماقتارىنىڭ لاندشافتىندا بەزەندىرىلگەن كليماتتىق كيىز ۇيلەر ءتىزىلدى. گۇلزارلاردى بەزەندىرۋ بو­يىنشا فلوريستەر بايقاۋى ءوتىپ جا­تىر. ارنايى فوتوايماقتاردىڭ بىرىندە ILOVE بايقاۋى ۇيىمداستىرىلدى. قالا تۇرعىندارى مەن قوناقتارى ءۇشىن ءبىلىم بەرۋ جəنە ەكو-شەبەر­لىك ساباقتارى وتەدى. قالدىقتار­دى قايتا وڭدەۋ جəنە پلاستيكتەن ونەر تۋىندىلارى مەن بۇيىمدا­رىن جاساۋدان دا بايقاۋ ءوتىپ جاتىر. ۋربانيستەرمەن قالا تۇرعىندارى بىرىگىپ, استانانىڭ جاسىل كارتاسىن جاسايدى. ياعني تۇرىندار قا­لادا ساياباق اشۋعا تاپتىرمايتىن ورىنداردى بەلگىلەيدى. سونىمەن قاتار استانالىقتار ەلوردانىڭ سيم­ۆول-گ ۇلىن تاڭدايدى. جالپى, باي­قاۋلاردىڭ جەڭىمپازدارى اقشالاي سىي­لىقتارمەن ماراپاتتالادى, – دەيدى مايرا يزمايلوۆا.

فەستيۆالدە «گۇل شاحارى – استانا» بايقاۋىنىڭ العاشقى كە­زە­ڭىنەن ءوتىپ, ىرىكتەلگەن 15 جە­ڭىم­پاز­ انىقتالدى. وسى كۇ­نى ەلوردالىقتار قورشاعان ورتا­نىڭ سۇلۋلىعىن سۇرەتپەن كەسكىن­­دە­گەن قىلقالام شەبەرلەرىنىڭ تۋىن­دىلارىنا ءتانتى بولدى. بالالار جاعى شەبەرلىك ساباقتارى مەن تەاتر­لاندىرىلعان ينتەراكتيۆتى باع­­­دارلامانى تاماشالادى. قۇم­­مەن سۋرەت سالىپ, گۇلدى وريگامي جəنە ساز بال­شىقپەن جۇمىس جاساۋ الاڭدارىن قىزىقتاپ, شات-شا­دىمان بولدى.