ەلەكتر قۋاتىنىڭ جوقتىعىنان اتىراۋ مۇناي وڭدەۋ زاۋىتى جۇمىسىن توقتاتتى, دەپ حابارلايدى Egemen.kz.
اتىراۋ مۇناي وڭدەۋ زاۋىتىنىڭ اۋماعىندا قارا ءتۇتىن بۋداقتاپ جاتىر. ءتۇتىننىڭ بۋداقتاعانىنا 2 ساعاتتان استى.
زاۋىتتىڭ قوعاممەن بايلانىس توبىنىڭ مالىمەتىنشە, ەلەكتر جەلىسىندەگى اقاۋدىڭ سالدارىنان قوندىرعىلاردىڭ جۇمىسى اپاتتىق جاعدايدا توقتاتىلعان.
«اتىراۋ مۇناي وڭدەۋ زاۋىتى بۇگىن, 3 شىلدە كۇنى جەرگىلىكتى ۋاقىتپەن ساعات 17:25-تە جۇمىسىن توقتاتتى. بۇعان «KEGOC» اق تاراپىنان ەلەكتر ەنەرگياسىنىڭ ءوشىرىلۋى سەبەپ بولدى. تەحنولوگيالىق رەگلامەنتكە سايكەس اپاتتى جاعدايدىڭ الدىن الۋ ماقساتىندا ەلەكتر ەنەرگياسىنىڭ سىرتقى جەلىلەرىن تولىق قالپىنا كەلتىرگەنگە دەيىن زاۋىتتىڭ وتىن جەلىسى فاكەلگە جىبەرىلدى. اقاۋلاردى جويۋ ناتيجەسى تۋرالى قوسىمشا حابارلانادى», دەپ ءمالىم ەتتى زاۋىتتىڭ قوعاممەن بايلانىس ءبولىمى.