ءانشى, مۋزىكانت ديماش قۇدايبەرگەن الەۋمەتتىك جەلىدە تاشكەنتكە ساپارىندا مادەنيەت جانە تۋريزم ءمينيسترى وزودبەك احماد ۇلىمەن بىرگە شەيح حوۆاندي توحۋر مەن تولە بي كەسەنەلەرىن ارالاعانىن ايتتى, دەپ حابارلايدى Egemen.kz.
شەيح حوۆاندي توحۋر - 14-عاسىردا ءومىر سۇرگەن عۇلاما ءارى سوپى, احمەت ياساۋي ءىلىمىن ۇستانۋشى بولعان. ول حالىقتى بىلىمگە, ەلباسىلاردى تاتۋلىق پەن كەلىسىمگە شاقىرعان اۋليە رەتىندە ەل ەسىندە قالدى.
تولە بي 17-عاسىردا شەيح كەسەنەسىنىڭ اينالاسىنا جەرلەنگەن. قارلىعاش اۋليە دەگەن اتپەن بەلگىلى بۇل كىسى قازاق حالقىنىڭ باس بيلەرىنىڭ ءبىرى, «جەتى جارعى» زاڭدار جيناعىنىڭ اۆتورلارىنىڭ ءبىرى بولعان.
«ەسكى تاشكەنتتەگى سەبزور ماسسيۆىندەگى حازىرەت يمامنىڭ (حاستيمام) بەيىتىن دە زيارات ەتتىك. «مۋي مۋبوراك» مەدرەسەسىندە ساقتالعان حازىرەت وسمان ءمۇشافيدىڭ قۇران كارىمنىڭ ەڭ كونە داناسىن كورۋ باقىتىنا يە بولدىم. بۇل مۇباراك قۇران 7-عاسىردا (644-648 جج.) ءۇشىنشى حاليفا وسمان يبن اففاننىڭ (اللا وعان رازى بولسىن) بۇيرىعىمەن بۇعى تەرىسىنە كوشىرىلگەن. ساپارىمىزدا وزبەك قولونەرىنىڭ ۇلگىلەرىن تاماشالاۋدىڭ ءساتى ءتۇستى», دەدى ديماش قۇدايبەرگەن.