بۇل تۋرالى پرەزيدەنت ىشكى ىستەر مينيسترلىگىنىڭ القا ماجىلىسىندە ايتتى, دەپ حابارلايدى Egemen.kz.
«بۇگىندە ازاماتتارىمىز وزدەرىنىڭ زاڭدى قۇقىقتارىن, كونستيتۋتسيالىق بوستاندىقتارىن جانە جەكە مەنشىگىن قورعاۋ ءۇشىن مەملەكەتكە جۇگىنەدى. ولار قيىن جاعدايعا تاپ بولعاندا بيلىك وكىلدەرى ادىلدىكتى تەز ارادا قايتا ورناتادى, كىنالىلەردى جاۋاپقا تارتادى جانە شىعىندى وتەۋگە كومەكتەسەدى دەپ ۇمىتتەنەدى. سوندىقتان ارىز-شاعىمداردى بارىنشا جىلدام ءارى كاسىبي تۇردە قاراستىرىپ, ارەكەت ەتۋ قاجەت», دەدى مەملەكەت باسشىسى.
الايدا شاعىمداردىڭ كوپتىگى قۇقىق قورعاۋ جۇيەسىنىڭ بۇل مىندەتتى ءتيىستى دەڭگەيدە اتقارا الماي جاتقانىن كورسەتەدى. ازاماتتار جىلدار بويى تالاي مەكەمەنىڭ تابالدىرىعىن توزدىرىپ, ناقتى جاۋاپ تاپپاي, شىندىققا قول جەتكىزە الماي ءجۇر. سوندىقتان پرەزيدەنت تاپسىرماسى بويىنشا قۇقىق قورعاۋ جۇيەسىن رەفورمالاۋ جونىندەگى كوميسسيا قىلمىستىق جانە قىلمىستىق پروتسەستىك زاڭنامانى جەتىلدىرۋ تۋرالى زاڭ جوباسىن ازىرلەدى.
«بۇل قۇجات تەرگەۋشىلەردىڭ جانە انىقتاۋشىلاردىڭ جۇمىسىن جەڭىلدەتۋ ءۇشىن كەرەك. باستى ماقسات – ولاردى ارتىق راسىمدەردەن, قۇجاتتاردان ارىلتۋ. تۇپتەپ كەلگەندە, مۇنىڭ ءبارى سىزدەرگە كومەك سۇراپ كەلگەن ازاماتتار ءۇشىن جاسالىپ جاتىر», دەدى ول.