«Amanat» پارتياسى بۇقارالىق اقپارات قۇرالدارى قىزمەتكەرلەرى كۇنى قارساڭىندا جۋرناليستەر اراسىنداعى «Amanat» – 2023 مەديا سىيلىعى» رەسپۋبليكالىق بايقاۋىنىڭ قورىتىندىسىن جاريالادى.
بيىل بايقاۋعا 300-دەن اسا ادامنان 2 مىڭ جۇمىس كەلىپ ءتۇستى. ونىڭ باسىم كوپشىلىگىن (60 پايىزى) ايماقتاعى اقپارات سالاسىنىڭ وكىلدەرى جولدادى. بايقاۋعا YouTube جوبالار دا قابىلداندى. وسىلايشا, 7 اتالىم مەن 3 ارنايى سىيلىق بويىنشا جەڭىمپازدار انىقتالدى. ايتا كەتەرلىگى, جەڭىمپازدار قاتارىندا «Egemen Qazaqstan» گازەتىنىڭ اقمولا وبلىسىنداعى مەنشىكتى ءتىلشىسى بايقال ءبايادىل دە بار.
سالتاناتتى ءراسىمدى اشقان «Amanat» پارتياسىنىڭ توراعاسى ەرلان قوشانوۆ اقپارات قۇرالدارىنىڭ وكىلدەرىن كاسىبي مەرەكەلەرىمەن قۇتتىقتاپ, بۇل جۋرناليستەردىڭ عانا مەرەكەسى ەمەس, حالىقتىق مەيرام ەكەنىن اتاپ ءوتتى.
«قوعام ساپالى, شىنايى جانە تانىمدىق دۇنيەلەردى وقىعىسى كەلەدى. مۇنداي اقپاراتتى ناقتى دەرەك پەن دايەككە سۇيەنەتىن جۋرناليست قانا ۇسىنا الادى. ول – ءسوزدىڭ قۋاتى مەن قادىرىن بىلەتىن, جاۋاپكەرشىلىگى جوعارى, كاسىبىنە ادال ناعىز مامان. باق-تىڭ باستى ميسسياسى دا – وسى. سىزدەردىڭ ماقالالارىڭىز بەن سيۋجەتتەرىڭىز قوعامدى ۇدايى العا جەتەلەپ وتىراتىن, ەل دامۋىنا ىقپال ەتەتىن قۇندىلىقتاردى دارىپتەيدى. بۇل – پاتريوتيزم, ادال ەڭبەك, بەيبىتشىلىك پەن تۇراقتىلىق, زاڭ مەن ءتارتىپ, بىلىمگە قۇشتارلىق, تۋعان جەرى مەن ءتول مادەنيەتىنە دەگەن سۇيىسپەنشىلىك. «Amanat» پارتياسىنىڭ بايقاۋى وسىنداي جۋرناليستىك جۇمىستاردى قولداۋعا باعىتتالعان», دەدى پارتيا توراعاسى.
سونىمەن, بايقاۋ كوميسسياسىنىڭ شەشىمىمەن «Amanat» – 2023 مەديا سىيلىعىنىڭ» بيىلعى باسەكەسىندە «ەلىمىزدەگى رەفورمالار تۋرالى ۇزدىك ماتەريال» اتالىمى بويىنشا «استانا اقشامى» گازەتىنىڭ شەف-رەداكتورى تولەن تىلەۋباي, «ەڭبەك ادامى تۋرالى ۇزدىك ماتەريال» اتالىمى بويىنشا قازاقستان جۋرناليستەر وداعىنىڭ مۇشەسى قويلىباي اسانوۆ جەڭىسكە جەتتى.
«ايماق تۋرالى ەڭ ۇزدىك ماتەريال» اتالىمى بويىنشا قازاق راديوسىنىڭ جۇرگىزۋشى-رەداكتورى الميرا ەلىمسارينا جانە «Informburo.kz» پورتالىنىڭ شولۋشىسى وكسانا تروفيموۆا, «رۋحاني-مادەني دامۋ تۋرالى ۇزدىك ماتەريال» اتالىمى بويىنشا شالقار راديوسى الماتى ستۋدياسىنىڭ رەداكتور-جۇرگىزۋشىسى جانار ورازىمبەتوۆا شاشاسىنا شاڭ جۇقتىرعان جوق.
«جاستار تۋرالى ۇزدىك ماتەريال» اتالىمى بويىنشا «كتك» تەلەارناسىنىڭ رەداكتور-جۇرگىزۋشىسى ايگەرىم اسقارقىزى مەن «31 ارنا» جاڭالىقتار قىزمەتىنىڭ ايماقتاعى تىلشىلەر رەداكتورى ايدانا شىبىكەەۆا, «الاش قوزعالىسى بويىنشا ۇزدىك ماتەريال» اتالىمى بويىنشا «جەتىسۋ» تەلەارناسىنىڭ پروديۋسەر-ءجۋرناليسى گۇلجان قىزايباەۆا ۇزدىك دەپ تانىلدى.
«ازاماتتىق بورىش تۋرالى ۇزدىك ماتەريال» اتالىمى بويىنشا «NUR.KZ» اقپاراتتىق پورتالىنىڭ ءتىلشىسى يۋليا ابراموۆا جانە «ليتەر» رەسپۋبليكالىق قوعامدىق-ساياسي گازەتى اقپارات ءبولىمىنىڭ مەڭگەرۋشىسى تەمىرلان قۇسپاەۆ ماراپاتتالدى. ال ماعجان جۇماباەۆ اتىنداعى ء«سوز زەرگەرى» سىيلىعى «Egemen Qazaqstan» گازەتىنىڭ اقمولا وبلىسىنداعى مەنشىكتى ءتىلشىسى بايقال بايادىلگە بۇيىردى.
شەرحان مۇرتازا جانە كامال سمايىلوۆ اتىنداعى «تەلەۆيزيا ۇزدىگى» سىيلىعىن «Jibek joly» تەلەارناسىنىڭ باعدارلاما اۆتورى-جۇرگىزۋشىسى جانار بايسەمىز بەن «استانا» تەلەارناسىنىڭ قوستانايداعى مەنشىكتى ءتىلشىسى زاڭعار ساناي يەلەندى. «بەلسەندى ازاماتتىق ۇستانىمى ءۇشىن» سىيلىعىن «Qasqa Jol» YouTube ارناسىنىڭ اۆتور-جۇرگىزۋشىسى اباي تلەنشيەۆ جانە «Turkistan Media Holding» جشس-نىڭ باسقارۋشى ديرەكتورى تەلمان بەيسەنوۆ الدى.