27 ماۋسىم مەن 2 شىلدە ارالىعىندا استاناداعى «Beeline Arena» سپورت كەشەنىندە ەرلەر مەن ايەلدەر اراسىندا بوكستان ءىى حالىقارالىق «ەلوردا كۋبوگى» ءتۋرنيرى وتەدى, دپ حابارلايدى Egemen.kz.
ءدۇبىرلى دوداعا 12 ەلدەن 200-دەن استام سپورتشى قاتىسادى. ولاردىڭ ىشىندە وزبەكستان, قىتاي, ءۇندىستان, موڭعوليا جانە باسقا ەلدەردىڭ وكىلدەرى بار.
ەرلەر 13 سالماق دارەجەسىندە, ال ايەلدەر 12 سالماق دارەجەسىندە باقتارىن سىنايدى.
جۇلدە قورى:
ءبىرىنشى ورىن -700 USD; ەكىنشى ورىن-400 USD; ءۇشىنشى ورىن – 200 USD (ارقايسىسى).جارىستىڭ جەڭىمپازدارى مەن جۇلدەگەرلەرى ءتيىستى دارەجەدەگى مەدالدار مەن ديپلومدارمەن ماراپاتتالادى.
ايتا كەتسەك, حالىقارالىق تۋرنير IBA جارىستارىنىڭ تەحنيكالىق ەرەجەلەرىنە سايكەس وتەدى. جەكپە-جەك 3 مينۋتقا سوزىلاتىن ءۇش راۋندتان تۇرادى, راۋندتار اراسىندا ءبىر مينۋتتىق ءۇزىلىس بولادى. 10 ۇپايلىق IBA ۇپاي جۇيەسى قولدانىلادى.
قازاقستان قۇراماسى ساپىندا وليمپيادا ويىندارىنىڭ جەڭىمپازدارى, الەم, ازيا جانە باسقا دا حالىقارالىق جارىستاردىڭ چەمپيوندارى مەن جۇلدەگەرلەرى قاتىسادى.