ىنتىماقتاستىقتىڭ اياق الىسى

ۇكىمەتارالىق كوميسسيانىڭ جۇ­مىسىنا ەكى ەلدىڭ سالا­لىق­ مينيسترلىكتەرى مەن ۆەدومس­ت­ۆو­­لارىنىڭ وكىلدەرى قاتىستى. وتى­رىس­تىڭ كۇن ءتارتىبى ءوزارا ساۋدانى كەڭەي­تۋ, بىرلەسكەن ينۆەستيتسيالىق جوبا­لاردى, ونىڭ ىشىندە شاعىن جانە ورتا بيزنەس, كولىك جانە لوگيس­تيكا, اگروونەركاسىپتىك كەشەن, ازىق-ت ۇلىك ونەركاسىبى, قۇرىلىس, ماشينا جاساۋ, فارماتسەۆتيكا, قارجى, ءبىلىم بەرۋ جانە تۋريزم سالالارىنداعى جوبالاردى ىسكە اسىرۋ ماسەلەلەرىن قامتىدى.

تاراپتار قازاقستان مەن پول­شا­ اراسىنداعى ەكىجاقتى تاۋار اينا­لىمى ارتىپ كەلە جاتقانىنا توق­تالدى. ونىڭ كولەمى 2022 جىلى 1,4 ملرد دوللاردى قۇرادى. 2023 جىلدىڭ العاشقى 4 ايىندا ونىڭ كولەمى 430 ملن دوللاردان استى. وسى ورايدا پولشا ۇكىمەت­ارالىق كوميسسيانىڭ تەڭ­ توراعاسى گ.پەحوۆياك قازاق­ستان پولشانىڭ ورتالىق ازيا­دا­عى جەتەكشى سەرىكتەسى ەكەنىن اي­تىپ, پولياك تاراپىنىڭ ەلىمىز­بەن ساۋدا-ەكونوميكالىق ىنتى­ماق­تاس­تىقتى ودان ءارى ارتتىرۋعا نيەت ءبىل­دىردى.

ءوز كەزەگىندە ر.ۆاسيلەنكو مەملەكەت تاراپىنان شەتەلدىك ينۆەس­تور­لاردى قولداۋ قۇرالدارى تۋرا­لى حاباردار ەتتى. 2022 جىل­دىڭ­ قورىتىندىسى بويىنشا قازاق­ستانعا بارلىق شەتەلدىك ارىپ­تەستەردەن تىكەلەي شەتەلدىك ينۆەس­تي­تسيالاردىڭ جالپى اعىنى 28 ملرد دوللاردى قۇرادى. بۇل – كەيىنگى 10 جىل­داعى رەكوردتىق كورسەتكىش. بۇل­ رەتتە پولشادان 2022 جىلى 75 ملن دوللار, ال 2005 جىلدان بەرى­ 350 ملن دوللار تارتىلعان. قازاق­ستان­دا پولياكتاردىڭ قاتىسۋىمەن 100-دەن اس­تام كومپانيا جۇمىس ىستەيدى.

باتىستىڭ سانكتسيالىق سايا­سا­تىنىڭ قازاقستان ەكونوميكاسى­نا­ جاناما اسەرى جانە ونىڭ وسى­ ماسەلە بويىنشا شەتەلدىك ارىپ­تەس­تەرمەن ءوزارا ءىس-قيمىلى ماسەلە­لەرىنە ەرەكشە نازار اۋدارىلدى. پولشانىڭ ەۋروپالىق وداققا مۇشەلىگىن ەسكەرە وتىرىپ, تاراپ­تار استانا مەن بريۋسسەل ارا­سىنداعى ەۋروپاعا ساپار شە­گە­تىن قازاقستان ازاماتتارى ءۇشىن ۆيزا­لىق­ رەجىمدى جەڭىلدەتۋ جونىندەگى كەلىس­سوزدەردى جەدەل باستاۋدىڭ ماڭى­زىن اتاپ ءوتتى.

بىرقاتار باعىت بويىنشا ىنتى­ماق­­تاستىقتى ارتتىرۋعا ءوزارا مۇد­دە­لىلىكتى راستاي وتىرىپ, تاراپ­تار باسىم بىرلەسكەن ىسكەرلىك جوبا­لار­دىڭ ءتىزىمىن وزەكتەندىردى جانە ەكونو­ميكانىڭ ناقتى سالالارىندا ەكىجاقتى ءوزارا ءىس-قيمىلدى نىعاي­تۋ ۋاعدالاستىعىنا قول جەت­كىز­دى. ءىس-شارانىڭ ناتيجەسىندە قازاق­ستان-پولشا ەكونوميكالىق ىنتى­ماق­تاس­تىق جونىندەگى ۇكىمەتارالىق كوميس­سياسى وتىرىسىنىڭ حاتتاما­سىنا قول قويىلدى.

وتى­رىس قارساڭىندا ۆارشاۆادا ەكى­ ەلدىڭ ىسكەر توپتارىنىڭ 250-دەن­ استام وكىلىنىڭ قاتى­سۋى­­مەن «پولشا-قازاقستان» بيز­نەس-فورۋمى ءوتتى. فورۋم بارى­سىن­دا ەلىمىزدىڭ ينۆەستيتسيالىق الە­ۋ­ەتى تانىستىرىلدى. بىرقاتار سالا­داعى ءوزارا ءىس-قيمىل ماسەلەلەرى قاراس­تىرىلدى. بيزنەس-فورۋم قورى­تىندىسى بويىنشا ەكى ەلدىڭ كوم­مەرتسيالىق سۋبەكتىلەرى اراسىندا بىرقاتار ۋاعدالاستىققا قول جەتكىزىلدى. سونداي-اق «Kazakh Invest» ۇك» اق مەن پولشانىڭ «Seneka poland» كومپانياسى ارا­سىنداعى قازاقستاندا بالىق ازىعىن وندىرەتىن ەكى زاۋىت سالۋ تۋرالى ءوزارا تۇسىنىستىك تۋرالى مەموراندۋمعا قول قويىلدى. جوبانىڭ قۇنى 100 ملن ەۋرونى قۇرايدى.

ساپار اياسىندا قازاقستان سىرت­قى­ ىستەر ءمينيسترىنىڭ ورىنباسارى ر.ۆاسيلەنكو پولشا پرەزيدەنتى جانىن­داعى حالىقارالىق ساياسات بيۋرو­سىنىڭ باسشىسى مارچين پشيداچپەن, پولشا سىرتقى ىستەر ۆيتسە-ءمينيسترى پاۆەل يابلونسكيمەن ەكىجاقتى كەزدە­سۋ­­لەرى وتكىزىلدى. ەكىجاقتى جانە كوپجاقتى كۇن تارتىبىندەگى وزەكتى ماسەلەلەر بويىنشا جان-جاقتى پىكىر الماستى. كەلىسسوزدەر قورى­تىن­دىسى بويىنشا ساياسي, ساۋدا-ەكو­نو­ميكالىق جانە مادەني-گۋماني­­تارلىق سالالارداعى ودان ءارى پراك­تيكالىق ءوزارا ءىس-قيمىل تۋرالى ۋاعدالاستىققا قول جەتكىزىلدى.

پولشانىڭ جەتەكشى اناليتي­كا­لىق توپتارى وكىلدەرىنىڭ قاتى­سۋى­مەن وتكەن دوڭگەلەك ۇستەلدە ر.ۆاسيلەنكو جاقىندا وتكەن استانا حالىق­ارالىق فورۋمىنىڭ قورى­تىن­دىلارىن, قازاق­ستان­نىڭ كوپ­ۆەكتورلى سىرتقى ساياساتىن ىسكە اسىرۋدىڭ نەگىزگى باعىتتارىن ۇسىن­دى.­ ۆارشاۆاداعى ءىس-شارادا ەكى ەل­دىڭ­ عىلىمي-زەرتتەۋ ينستيتۋتتارى جەلىسى بويىنشا ىنتىماقتاستىقتى ودان ءارى كەڭەيتۋگە ءوزارا مۇددەلى ەكەنىن جەتكىزدى.