قۇرىلىس جۇمىسىنداعى سالعىرتتىق

ءوڭىر باسشىسى ايداربەك ساپا­روۆ جۋىردا بىرقاتار قۇرىلىس نى­سان­دارىنا كۇتپەگەن جەردەن بارىپ, جۇمىس بارىسىمەن, ولار­دىڭ ماسەلەلەرىمەن تانىستى. الدى­مەن ول «يۋجنىي» شاعىن اۋدانىنا باردى. مۇنداعى قۇرىلىس 1 مىڭعا جۋىق جەر ءۇي سالىناتىن تەلىمنەن تۇرادى. قازىر مۇندا جارىق تارتۋ جۇمىستارى جۇر­گىزىلۋگە ءتيىس-ءتىن. ىسكە جاۋاپتى – جەرگىلىكتى «ەلەكترومونتاج» اكتسيو­نەرلىك قوعامى. الايدا اكىم باستاعان باسشىلار مەن قوسشى­لار بارعاندا مۇندا نە تەحنيكا, نە ونى جۇرگىزەتىن ادام, نە قۇرى­لىس­شىلار كورىنبەدى. وبلىس اكىمى مەردىگەردىڭ جۇمىسىنىڭ سال­عىرتتىعىنا ەسكەرتۋ­ جاسادى. ال وسى كومپا­نيا­ جۇمىسىن باقىلايتىن «تەحناد­زور» سەرىكتەستىگىنىڭ باس ساراپشى­سى­ سايان جانعۋجين بىلاي دەپ اق­تالعان بولدى: «قۇرىلىس-مون­تاج جۇمىستارىن جۇرگىزۋگە رۇق­سات­تى تەك 30 مامىردا الدىق. قازىر باعاندار ورناتىلدى. ەندى مەردىگەر وسى جەرگە وزدەرىنىڭ وندىرىستىك ورىندارىن, كيىنىپ-شەشىنەتىن ۆاگوندارىن ورناتۋلارى كەرەك ەدى, سول جۇمىستار اقساڭقىراپ تۇر. جالپى, بۇل جەردە 143 جاڭا جۇمىس ورنىن اشۋ بەلگىلەنگەن», دەدى. الايدا باعانداردىڭ تۇرعىزىلىپ بول­عانىنا دا بىرنەشە كۇن بول­عانىمەن «ەلەكترومونتاج» كوم­­­پ­ا­نياسى ءالى قىزۋ جۇمىسقا كىرىس­پەگەندىگى ءۇشىن ايداربەك سەي­پىل­ ۇلى سايان جانعۋجينگە ەسكەر­تۋ­ جاساپ, «قازىرگىدەي جايلى كۇن­دەر­دە جۇمىس قىزۋ جۇر­گى­­زىل­مەيتىن بولسا, الدىمەن سىز­دەر­گە, سوسىن مەردىگەرگە شارا قول­دا­نىلاتىن بولادى», دەدى. وسى قۇ­رى­لىس بويىنشا بايانداعان قالا اكىمى رۋسلان اڭباەۆ بۇل جوباعا 2,8 ملرد تەڭگە بولىنگەنىن, قۇ­رى­لىس جۇمىستارى جىلدىڭ ايا­عى­نا دەيىن اياقتالۋعا ءتيىس ەكەنىن مالىم­دەدى.

وسىدان ءارى اكىم باستاعان توپ­ «سول­نەچ­­نىي-2» شاعىن­ اۋدا­نىن­داعى ءدال وسىنداي قۇرى­لىس­­تىڭ بارىسىن تەكسەردى. مۇن­دا­عى­ قۇرى­لىستى جۇرگىزىپ جاتقان «الفا-سەۆەر» جشس ەلەكتر­­مەن جانە سۋمەن جابدىقتاۋ جۇمىس­تا­رىن اياقتاپ, ەندى جولدار­مەن­ قوسالقى ستانسالار سالۋعا كىرىس­كەن­ ەكەن. جۇرگىزىلىپ جات­قان قىزۋ جۇ­مىستاردى كورگەن ايدار­بەك­ ساپا­روۆ ونى «يۋجنىيداعى» مەر­دى­­گەر­گە ۇلگى ەتتى.

ۇلتتىق ۇلان اكادە­ميا­­­­­سىنىڭ اۋما­عىندا دا 2022 جىل­دىڭ­ ءساۋىر ايىنان بەرى جاڭا كە­شەننىڭ قۇرىلىستارى جۇرگىزىلىپ جاتىر. ول 660 ورىنعا شاقتالعان كازار­مانى, 800 ورىندىق زالى بار مادەنيەت ءۇيىن جانە مۋزەي­ عي­ماراتىنىڭ قۇرىلىسىن قامتي­دى. اكادەميا باستىعىنىڭ ايتۋىنا قاراعاندا, قۇرىلىسقا 10,8 ملرد تەڭگە بولىنگەن. بيىل سونىڭ 4,7 ملرد تەڭگەسى يگەرىلەدى دەپ جوسپارلانعان. قۇرىلىستى جۇرگىزۋشى «Ash-stroy» جشس ەكەن. بيىل بۇل كومپانيا بارلىق كەشەن جۇمىسىنىڭ 60 پايىزىن اياقتايتىن كورىنەدى.

پەتروپاۆلدا تاراز قالا­سى­نىڭ­­ «Taraz Energy» جشس اتتى قۇرىلىس كوم­پا­نياسى ءۋالي­حا­نوۆ كوشە­سىندەگى تۇر­­­­­­عىن-ءۇي قۇرى­لىس­تارىنا ينجەنەرلىك-كوم­مۋ­­ني­­كا­تسيالىق جۇيەلەر مەن ابات­­­­تان­­دى­رۋ جۇمىستارىن جۇرگىزۋدى تەن­­دەر­­دەن ۇتىپ العان. بىراق كاسىپ­ورىن العان مىن­دەت­تە­مە­سىن ورىن­داي الماي ءجۇر. قالا اكىمى ر.اڭباەۆ بۇل كومپانيانىڭ جۇمى­سىنا ءوزىنىڭ قاناعاتتانباي جۇر­گەنىن ايتتى. ء«بىز بۇل كومپا­نيا­مەن كەلىسىمشارتتى بۇزۋ جونىن­دە تالاپ ارىزىمىزدى سوتقا وتكى­زىپ قويدىق. كەلىسىمشارت بۇزى­ل­عاننان كەيىن ءبىز جوباعا وزگە­رىس­تەر ەنگىزىپ, جاڭا مەردىگەر تابۋ ءۇشىن كونكۋرس جاريالايتىن بولامىز», دەدى ول. وبلىستىڭ قۇرىلىس, ارحيتەكتۋرا جانە قالا قۇرىلىسى باس­قار­­ماسىنىڭ باسشىسى قايروللا عاليەۆ تە بۇل كومپانيانىڭ جۇمىسىنا ءوزىنىڭ قاناعاتتانبايتىندىعىن ايتتى. ء«بىز بىرنەشە رەت كومپانيا باسشىلىعىمەن اڭگىمە وتكىزدىك, بىراق ودان ەشقانداي ناتيجە شىعار ەمەس. وسى كومپانيا گوركي كوشەسىندە سالىپ جاتقان تۇرعىن-ءۇي قۇرىلىسىن دا سوزىڭقىراپ جىبەردى. ۇيگە كىرۋدىڭ ۋاقىتى ءوتىپ بارا جاتقان سوڭ تۇرعىندار وسى تاراپتا بىزگە وزدەرىنىڭ نارازىلىقتارىن ايتۋدا. سوندىقتان الداعى ۋاقىتتا ءبىز دە وسىنداي شارالارعا بارۋعا ءماجبۇر بولارمىز», دەدى ق.عاليەۆ.

قۇرىلىستى قولعا العان سوڭ كۇندىز-ءتۇنى ونىڭ جۇمىسىن تيا­­ناقتى جۇرگىزە الماي, تەك بولى­نە­تىن اقشاعا قىزىعىپ كىرىسىپ كە­تە­تىن­ قۇرىلىس كومپانيالارى وسىلاي, تۇرعىنداردى دا, باسشىلاردى دا اۋرە-سارساڭعا سالىپ قويادى.

پەتروپاۆل