ارالاس جەكپە-جەكتىڭ ەڭ بەدەلدى ۇيىمى – UFC-دە ونەر كورسەتەتىن وتانداسىمىز جالعاس جۇماعۇلوۆ (14-8) اقش-تىڭ فلوريدا شتاتىندا وتكەن UFC on ABC 5 تۋرنيرىندە كەزەكتى ايقاسىن وتكىزىپ, قاتارىنان ءۇشىنشى مارتە جەڭىلىپ قالدى.
UFC-ءدىڭ ەڭ جەڭىل سالماعىندا باق سىنايتىن داڭقتى جەرلەسىمىز مۇحيتتىڭ ارعى بەتىندەگى جەكپە-جەك كەشىندە امەريكالىق دجوشۋا ۆانمەن (7-1) كۇش سىناسىپ, ءۇش راۋندقا جوسپارلانعان ايقاستا تورەشىلەردىڭ ءبىراۋىزدان قابىلداعان شەشىمىمەن قارسىلاسىنا جول بەردى. وسىلايشا, دجوشۋا ۆان كاسىبي كارەراسىنداعى 8-جەڭىسىنە قول جەتكىزسە, جالعاس جۇماعۇلوۆ 9-رەت جەڭىلدى.
2020 جىلدىڭ شىلدەسىندە UFC ۇيىمىمەن كەلىسىمشارتقا وتىرعان وتانداسىمىز بۇگىنگە دەيىن جەتى جەكپە-جەك وتكىزىپ, سونىڭ تەك بىرەۋىندە عانا جەڭىسكە جەتۋ باقىتى بۇيىردى. قالعان التى كەزدەسۋىندە قارسىلاستارىنىڭ وسال تۇسىن تابا المادى.