22 ماۋسىمدا ساعات 13:04-تە اتىراۋ قالاسى ءابدىراحمانوۆ كوشەسىندە ورنالاسقان امبەباپ دۇكەندەردىڭ بىرىنەن وت شىققانى تۋرالى شۇعىل قىزمەتكە شاقىرتۋ كەلىپ ءتۇستى, دەپ حابارلايدى Egemen.kz.
وقيعا ورنىنا جەتكەن ءورت ءسوندىرۋ بريگاداسى امبەباپ دۇكەننىڭ شاتىر جابىندىسى جانىپ جاتقانىن بايقادى. قىزىل جالىن 800 شارشى مەتر جابىندىنى شارپىعان. ءورت ساعات 14:27-دە اۋىزدىقتالىپ, 14:45 ساعاتتا تولىقتاي جويىلدى.
ء«ورتتى سوندىرۋگە اتىراۋ وبلىسىنىڭ توتەنشە جاعدايلار دەپارتامەنتىنىڭ كۇشتەرى مەن قۇرالدارى, «سەمسەر – ءورت ءسوندىرۋشى» جشس, «سكەبر», «اتما اەروپورت» اق, «اپاتتار مەديتسينا ورتالىعىنان» بارلىعى 53 ادام, 13 تەحنيكا جۇمىلدىرىلدى. ءورت سوندىرۋشىلەردىڭ بىرىككەن ءىس-قيمىلىنىڭ ناتيجەسىندە ءورتتىڭ باسقا اۋماقتارىنا تارالۋىنا جول بەرىلمەدى», دەدى اتىراۋ وبلىسى تجد قوعاممەن بايلانىس توبى.