العاشقى قارسىلاستارى بەلگىلى

ۋەفا-نىڭ شتاب پاتەرىندە ەڭ الدىمەن چەمپيوندار ليگاسىنىڭ جەرەبەسى تارتىلدى. 2013-2014 جىلعى ماۋسىمنان بەرى ەۋرو­كۋ­بوك باسەكەلەرىنە تۇراقتى قا­تىسىپ كەلە جاتقان «استانا» چەمپيوندار ليگاسىنىڭ العاشقى اينالىمىندا گرۋزيانىڭ «دي­نامو» كومانداسىمەن شەبەر­لىك بايقاساتىن بولدى. ىرگەتاسى 1925 جىلى قالانعان تبيليسي ۇجىمى 97 جىلدىڭ ىشىندە 19 مارتە ۇلتتىق چەمپيوناتىندا جەڭىسكە جەتسە, 13 رەت گرۋزيا كۋبوگىنىڭ جەڭىمپازى اتانعان. سونىمەن قاتار 8 رەت گرۋزيا سۋپەركۋبوگىندە ۇزدىك شىققان ەكەن. ال «استانا» بىلتىر ەل چەمپيوناتىندا ءوزىنىڭ جەتىنشى چەمپيوندىعىن تويلادى. سونداي-اق كەيىنگى 10 جىلدىڭ كولەمىندەگى ەلىمىزدىڭ داڭقتى كومانداسى ءۇش مارتە قازاقستان كۋبوگى باسەكەسىندە, التى رەت ەل سۋپەركۋبوگىندە توپ جارعان.

ەكى كلۋبتىڭ دا حالىقارالىق ارەناداعى جەتىستىگىنە توقتالار بولساق, «دينامو» ءبىر عاسىر ارا­لىعىنداعى ەڭ ءىرى جەڭىسىنە 1981 جىلى قول جەتكىزدى. سول جىلى قارا تەڭىزدىڭ وڭ جاعا­لاۋىندا ورنالاسقان ەلدىڭ باس كومانداسى بۇرىنعى كۋبوك يەلەرىنىڭ كۋبوگى دوداسىندا گەرمانيانىڭ «كارل تسەيسس» كلۋبىن 2:1 ەسەبىمەن تىزە بۇكتىرىپ, تۇڭعىش رەت كۋبوكتى باسىنان اسىرا كوتەرگەن ەدى. ودان كەيىنگى ۋاقىتتا دينامولىقتار اۋىز تولتىرىپ ايتارلىقتاي ناتي­جەگە قول جەتكىزە المادى. تەك 2005 جىلى بۇرىنعى ۋەفا كۋبوگى, قازىرگى – ەۋروپا ليگا­سىنىڭ توپتىق كەزەڭىندە ويناۋ باقىتىنا يە بولادى.

قۇرىلعانىنا 14 جىل بولعان «استانانىڭ» حالىقارالىق ارە­نادا «دينامو» سياقتى ءىرى جە­تىستىگى بولماسا دا, ەلوردالىق ۇجىم 2013 جىلدان بەرى ەۋرو­كۋبوك جارىستارىنا تۇراقتى قا­تىسىپ كەلەدى. 10 جىلدىڭ كو­لە­مىندە جەرلەستەرىمىز ءبىر رەت (2016 جىلى) – چەمپيوندار ليگا­سىنىڭ, ءتورت مارتە ەۋروپا ليگاسىنىڭ (2016, 2017, 2018, 2019) توپتىق كەزەڭدەرىندە وينادى. سونداي-اق 2017/18 جىلعى ماۋسىمدا ەۋروپا ليگاسىنىڭ پلەي-وفف كەزەڭىنە دەيىن جەتكەنىن ەلىمىزدىڭ فۋتبول جانكۇيەرلەرى جاقسى بىلەدى.

«استانا» ەۋروكۋبوك ايا­سىن­داعى ماتچتاردا العاش رەت گرۋ­زيالىق كوماندامەن جولى تۇيىس­كەلى تۇر. ال وزگە وتان­دىق كوماندالار بۇعان دەيىن بىرنەشە مارتە گرۋزيا كلۋبتارىمەن جاسىل الاڭدا شەبەرلىك بايقاسىپ كورگەن. اتاپ ايتقاندا, ءدال وسى «دينامو» كومانداسىمەن ەلى­مىزدىڭ بەس دۇركىن چەمپيونى «اقتوبە» 2014 جىلى چەمپيوندار ليگاسىنىڭ ەكىنشى ىرىكتەۋ كەزەڭى اياسىندا كەزدەسىپ, ەكى ويىننىڭ قو­رىتىندىسى بويىنشا 4:0 (3:0, 1:0) ەسەبىمەن جەڭىسكە جەتىپ, ءتۋرنيردىڭ ءۇشىنشى اينالىمىنا جولداما العان.

«دينامو» كومانداسى قازىرگى تاڭدا ۋەفا رەيتينگىندە 187-ورىنعا تابان تىرەگەن. «Trans­fer­markt.de» سايتىنىڭ مالى­مەتى بويىنشا كومانداداعى فۋت­بولشىلاردىڭ جالپى قۇنى (23 فۋتبولشى) 9 ملن ەۋرونى قۇ­راپ وتىر. ونىڭ ىشىندە التاۋى – شەت­ەلدىك لەگيونەر. سونداي-اق «دينامونىڭ» ءۇش فۋتبولشىسى ءوز ەلدەرىنىڭ ۇلتتىق قۇراماسىنا شاقىرىلعان. قۇرامنىڭ ورتا جاسى – 23,9. كوماندانىڭ ەڭ قىم­بات فۋتبولشىلارى كىمدەر دەپ سۇراي قالساڭىز, ونى دا ايتايىق. بۇل رەتتە «دينامو» سا­پىنداعى ەكى فۋتبولشىنى ەرەك­شە اتاپ وتۋگە بولادى. ولار: 26 جاستاعى قورعاۋشى دجەمال تا­بيدزە مەن 22 جاستاعى جارتىلاي قورعاۋشى انزور مەكۆابيشۆيلي. ەكەۋىنىڭ دە قۇنى 1 ميلليون ەۋروعا باعالانعان.

«استانا» كومانداسىنا كەلەر بولساق, ەلىمىزدىڭ جەتى دۇر­كىن چەمپيوندارى ۋەفا رەي­تين­گىندە 110-ورىندا تۇر. فۋت­بول­شىلاردىڭ جالپى قۇنى – 12,73 ملن ەۋرو. وكىنىش­كە قا­راي, «دينامومەن» سالىس­تىر­عان­دا «استانادا» لەگيونەر فۋت­­بولشىلاردىڭ قاتارى كوپ. بي­ىلعى ماۋسىمدا «استانا» سا­پىندا 11 (!) شەتەلدىك فۋتبول­شى دوپ تەبەدى. ال 23 فۋتبول­شى­نىڭ 13-ءى ءوز ەلدەرىنىڭ ۇلت­تىق قۇرامالارىندا ويناي­دى. كلۋبتىڭ ورتاشا جاسى – 28. ەلور­دالىق ۇجىمنىڭ قاتارىنداعى ەڭ قىمبات فۋتبولشى – دەمبو داربو. 24 جاستاعى گامبيا ۇلتتىق قۇ­راماسىنىڭ شابۋىلشىسى قا­زىرگى تاڭدا «Transfermarkt.de» ساي­تىندا 1,80 ميلليون ەۋروعا باعالانعان. ودان كەيىنگى قىمبات فۋتبولشىلاردىڭ قاتارىندا بەلارۋس وكىلى – ماكس ەبونگ (1,20 ملن), سولتۇستىك ماكەدونيا ويىن­شىسى – الەكسا امانوۆيچ جانە ارمەنيا قۇراماسىنىڭ قور­عاۋ­شىسى – ۆارازدات ارويان (ەكەۋى دە 1 ملن) بار.

ەكى كلۋب اراسىنداعى العاشقى كەزدەسۋ 11 نەمەسە 12 شىلدە كۇنى ەل­وردادا, قارىمتا ماتچ ءبىر اپ­تا­دان سوڭ, ياعني 18 نەمەسە 19 شىل­دەدە سىرت الاڭدا وتەدى دەپ جوس­­پارلانعان. وسى جۇپتا جە­ڭىس­كە جەتكەن ۇجىم ءتۋرنيردىڭ ەكىن­شى اينالىمىندا «دينامو» زاگرەبپەن كەزدەسەدى.

سونداي-اق چەمپيوندار ليگاسى جەرەبەسىنىڭ ءىزىن الا كونفە­رەنتسيا ليگاسىنىڭ ءبىرىنشى اينا­لىمىندا باق سىنايتىن «توبىل­دىڭ» دا قارسىلاستارى انىق­تالدى. بىلتىرعى ەل چەمپيونا­تىندا قولا جۇلدە يە­لەنگەن قوس­­تانايلىق كوماندا ءبىرىنشى اي­­نالىمىندا فينليان­ديانىڭ «حونكا» كومانداسىمەن كەزدەسەدى.

نەگىزى 1957 جىلى قالانعان ەسپوو قالاسىنىڭ كومانداسى ەۋروپادا دا, ءوز ەلىندە اسا تانىمال ەمەس. سەبەبى كلۋب قۇرىل­عان 66 جىلدىڭ ىشىندە بىردە-ءبىر رەت ءوز ەلىنىڭ ۇلتتىق چەمپيونا­تىندا توپ جارماعان. ەۋروكۋ­بوك باسەكەلەرىندە دە ەشقاشان دا­را­­لانباعان. تەك ءبىر مارتە عانا فين­ليانديا كۋبوگىندە (2012 جىلى) جەڭىمپاز اتانعان. «تو­بىل» بولسا, ەكى مارتە ەل چەمپيو­ناتىندا, ءبىر رەت قازاقستان كۋ­بوگىندە, ەكى رەت سۋپەركۋبوگتە جە­ڭىس تۇعىرىنا كو­تەرىلگەن. ەكى ۇجىم اراسىنداعى كەزدەسۋلەر 13 شىلدەدە قوستانايدا, 20 شىلدەدە ەسپوو قالاسىندا وتەدى.

سونىمەن قاتار كونفەرەنتسيا ليگاسىندا ەل نامىسىن قورعاي­تىن «ورداباسى» مەن «اقتوبە» اتال­عان تۋرنيردەگى جورىعىن ەكىنشى اينالىمنان باستايدى. ولار­دىڭ قارسىلاستارى كەشە كەش­كىسىن بەلگىلى بولدى.