ۇلىتاۋ وبلىسى جاڭاارقا اۋدانىنىڭ 32 جاستاعى تۇرعىنى پوليتسيا قىزمەتكەرلەرىنە نامبۋ تاپانشاسىن تاپسىردى, دەپ حابارلايدى Egemen.kz.
جاڭاارقا اۋدانىنىڭ تۇرعىنى ەرسىن تاجماعانبەتوۆ جەرتولەدە قۇرىلىس جۇمىستارىن جۇرگىزۋ كەزىندە جەرگە كومىلگەن تاپانشاعا ۇقساس زاتتى تاۋىپ العان.
اۋدان تۇرعىنى بىردەن پوليتسياعا حابارلاسىپ, تابىلعان زاتتى وتكىزگەن. وبلىستىق پوليتسيا دەپارتامەنتىنىڭ جەدەل-كريميناليستەرىنىڭ ساراپشىلارى جۇرگىزگەن زەرتتەۋ بارىسىندا بۇل قارۋدىڭ ءبىر عاسىرعا جۋىق تاريحى بار ەكەنى بەلگىلى بولدى.
پوليتسەيلەر قارۋدى تاپسىرعان ازاماتقا العىسىن ايتتى. تابىلعان تاپانشا تاريحي جادىگەر رەتىندە الداعى ۋاقىتتا وبلىستىق مۋزەيگە تاپسىرىلادى.
ايتا كەتەيىك, نامبۋ 14 تاپانشاسى 1925 جىلى نامبۋدىڭ 4 تيپ تاپانشاسىنىڭ ديزاينى نەگىزىندە جاسالعان جاپون تاپانشاسى. نامبۋ تاپانشالارى 1920-1940 جىلدارداعى جاپون يمپەراتورلىق ارمياسىنىڭ نەگىزگى جەكە قارۋى بولعان, ولار ەكىنشى دۇنيەجۇزىلىك سوعىس اياقتالعانعا دەيىن شىعارىلدى.