قورعالجىن تاس جولى مەن قوسشى قالاسىنىڭ اينالما جولىندا قۇرعاق ءشوپ ورتەنىپ جاتىر. ورتتەن شىققان قويۋ ءتۇتىن استانانىڭ سول جاعالاۋىن باستى, دەپ حابارلايدى Egemen.kz.
ەلوردادا ازوت وكسيدى مەن ديوكسيدىنىڭ, وزون مەن كۇكىرتتى سۋتەگىنىڭ نورمادان اسىپ كەتۋى تىركەلدى.
دەنساۋلىق ساقتاۋ ءمينيسترى اجار عينيات جۇكتى ايەلدەر, بالالار, قارت ادامدار مەن سىرقاتتانعاندارعا دالاعا شىقپاۋعا كەڭەس بەردى.
«ەگەر دەنساۋلىعىڭىز مازالاسا, ۋچاسكەلىك دارىگەرگە حابارلاسىڭىز», دەدى مينيستر.
سونداي-اق بۇعان دەيىن استانا اكىمدىگى دە ەلوردا تۇرعىندارىنا كوشەگە شىقپاۋعا كەڭەس بەردى.