قر اقپارات جانە قوعامدىق دامۋ مينيسترلىگىنە قاراستى ءدىن ىستەرى كوميتەتىنىڭ ارنايى جوباسى اياسىندا قوستاناي وبلىسىندا ءدىني ەكسترەميزمنىڭ تارالۋىن الدىن الۋعا باعىتتالعان سەمينار مەن ءتۇرلى فورماتتاعى ءىس-شارالار ۇيىمداستىرىلدى, دەپ حابارلايدى Egemen.kz.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – م.ق. قايدار, م.س.تويعانوۆ, د.ا. ديسيۋكوۆ, د.ش. قاناەۆ قاتىستى.
راتت مۇشەلەرىنىڭ قاتىسۋىمەن قوستاناي, ليساكوۆ, قارابالىق, مەڭدىقارا, دەنيسوۆ قالالارى مەن اۋداندارىندا ءسۇت ونىمدەرىن ءوندىرۋشى «دەپ» جشس, اۋىل شارۋاشىلىعى ماشينالارىن ءوندىرۋشى «دورماش» اق, ليساكوۆسك قالاسى مامانداندىرىلعان بالالار مەن جاسوسپىرىمدەر سپورت مەكتەبىندە, ق.دونەنباەۆا اتىنداعى اۋىل شارۋاشىلىق كوللەدجىندە ستۋدەنتتەر جانە وقىتۋشىلارمەن, بوروۆسكوە اۋىل اكىمدىگىنىڭ عيماراتىندا قىزمەتكەرلەرىمەن جانە وزگە دە مەكەمەلەردە, ءوزىن-ءوزى جۇمىسپەن قامتىعان جانە جۇمىسسىز اۋىل تۇرعىندارىمەن, مەكەمە قىزمەتكەرلەرىمەن, ءدىنتانۋ مۇعالىمدەرى مەن الەۋمەتتىك پەداگوگتارمەن سەمينارلار وتكىزىلدى.
وتكىزىلگەن ءىس-شارالاردا وبلىس تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپارات بەرىلدى.
تىڭداۋشىلار تاراپىنان دا راتت مۇشەلەرىنە بىرقاتار سۇراقتار قويىلىپ, ساۋالدارعا تۇجىرىمدى جاۋاپتار الىندى.